SC Heerenveen: Versjèl tösje versies

'''sc Heerenveen''' (officieel aofgekort mèt klein lètters; voloet ''Sportclub Heerenveen'') is 'n [[voetbal]]club oet de Nederlandse plaots [[Heerenveen]]. De club späölt häör toesmatches in 't [[Abe Lenstrastadion]] en kump oet in de [[Ieredevisie (hierevoetbal)|Ieredevisie]]. De club heet ouch e [[vrouwevoetbal|damesteam]], wat ouch in de [[Ieredevisie (damesvoetbal)|Ieredevisie]] oetkump. sc Heerenveen woort op [[20 juli]] [[1920]] opgeriech. De ierste jaore waor 't gein opvallende club, meh vaanaof midde jaore daarteg greujde ze oet tot de bèste club vaan Nederland. Dit kaom veur e groet deil door staarvoetballer [[Abe Lenstra]], dee jaorelaank bij 't [[Nederlands hierevoetbalèlftal|Nederlands èlftal]] späölde en es eine vaan de groetste Nederlandse voetballers gelt. Heerenveen woort in dezen tied noets landskampioen, meh wel jaor nao jaor aofdeilingskampioen vaan Noord. In [[1954]] góng de club es ein vaan de ierste al bestoonde clubs euver op betaold voetbal. Lenstra woort eweggekoch en 't sportief succes woort minder. Bij de inveuring vaan 't devisiesysteem in sezoen 1956/57 woort sc Heerenveen in de [[Twiede Devisie (Nederlands voetbal)|Twiede Devisie]] ingedeild. Dao promoveerden 't in [[1970]] oet. In de jaore zeveteg en tachteg waor Heerenveen 'n modaol [[Ierste Devisie (Nederlands voetbal)|Ierste Devisie]]club, mèt gooj en minder gooj jaore. De nuie glorietied kaom vaanaof de jaore negeteg, wie [[Foppe de Haan]] de club jaorelaank trainde en nao de subtop brach. Op get minder jaore nao heet sc Heerenveen dee status kinne consolidere. Sinds jaor en daag vint me bij de club väöl speulers oet [[Scandinavië]].