In de Nederlen heet de plant drei verwante naome, die alledrei in 't [[Limbörgs]] taolgebeed veurkoume. D'n inheimse naom is ''hennep'' (~ Duits ''HenfHanf'', Ingels ''hemp''; hei-in is de Germaanse Lautverschiebungswèt *''k > h'' te zien), dit weurt gezag in Nederlands Limbörg tot en mèt [[Zitterd-Gelaen|Zitterd-Geleen]]. In 't [[Heuvelland]] en de [[Haspegouw]] zègke ze ''kemp'', in 't midde en noorde vaan Belsj Limbörg zoewie in 't [[Wieërtlandj|Weertland]] zègke ze ''kennep''. De lèste twie naome zien Romaanse lienwäörd (<Picardisch en Waols ''cambre'' < Latiens ''cannabis'', ~Frans ''chanvre''). De woordvörm die e dialek gebruuk is 'ne gojen indicator vaan Fransen invlood op 't vocabulair in vreuger daog: ''kemp'' wijs op väöl laankdorege Fransen invlood, ''kennep'' op maotege en ''hennep'' op relatief kleine.
