[[Plaetje:Map of sinitic languages cropped-en.svg|thumb|Verspreiing vaan de Chinese dialekte in (Oos-)China. Zuug veur de aander taole de kaart mèt bevolkingsgroppe.]]
====Chinees dialekte====
De groete mierderheid vaan de bevolking sprik [[Chinees]]. De diverse variante daovaan stoon bekind es ''[[ChineesChinese dialekte]]''. De discussie euver wat 'n apaarte [[taol]] is en wat 'n [[dialek]] weurt evels dèks in samehaank mèt 't Chinees geveurd. De Chinese hoofdialekte zien oonderein mèt gein meugelekheid te verstoon zoonder kinnes vaan zakes, en wieke zeker zoe väöl vaanein aof es de diverse Germaanse of Romaanse taole. De hoofdialekte zien 't [[Mandarijn (taol)|Mandarijn]] (官话 ''guān huà''), 't [[Hui (taol)|Hui]], 't [[Wu (taol)|Wu]], 't [[Xiang (taol)|Xiang]], 't [[Gan (taol)|Gan]], 't [[Hakka (taol)|Hakka]], 't [[Min (taol)|Min]], 't [[Kantonees]] (Yue) en 't [[Ping (taol)|Ping]]. 't [[Jin (dialek)|Jin]] weurt soms es aofzunderleke grop behandeld, meh ouch dèks genog es (sub)dialek vaan 't Mandarijn. 't Mandarijn (mèt zoe'n 900 mieljoen mojertaolsprekers nog ummer de groetste taol vaan de wereld, zelfs es me 't Chinees in apaarte taole opbrik)<ref>[http://www.ethnologue.com/language/cmn ethnologue.com - Chinese, Mandarin]</ref> weurt veural in 't noorde gesproke, meh ouch deep in 't binneland; in weze op de mieste plaotse die rillatief laat verchinees zien. Zoe sprik me in Mantsjoerije ('t noordooste) get wat bezunder kort bij 't prestiesjdialek vaan Peking steit, zjus umtot me dao nog neet zoe laank Chinees praot. De Chinese dialekte zien, oondaanks poginge um de standaardtaol in te veure, nog levend en wel, oetgezunderd op plaotse boe väöl immigrante zien samegekoume (beveurbeeld in Sjanghai). De officieel bezwoere tege 't opsjrieve vaan de dialekte beginne gestiedegaon te verdwijne.
