Johan Cruijff: Versjèl tösje versies

'''Johan Cruijf''' (boete Nederland miestal gesjreve es '''Cruyff'''; [[Amsterdam]], [[25 aprèl]] [[1947]] - [[Barcelona]], [[24 miert]] [[2016]]) waor 'ne [[Nederland]]se [[voetbal]]ler en voetbaltrainer. Heer späölde sinds 1957 in de jäög vaan [[AFC Ajax]] en debuteerde dao in [[1964]] in 't ierste. Zien groete doorbraok kaom wie 'tjaort jaor dao-op trainer [[Rinus Michels]] aontraoj. Cruijf bleek boete 'nen technich begaafde voetballer ouch hiel väöl speulinziech te höbbe en woort al gaw de bèste vootballer vaan zien generatie. In [[1966]] debuteerde heer in [[Nederlands voetbalèlftal|Oranje]], boe heer in 48 interlands 33 gole zouw score. Heer won mèt Ajax dreikier d'n [[Champions League|Europacup 1]] (1971-73) en stoont mèt 't Nederlands èlftal in [[1974]] in de finale van 't WK. Nao [[1973]] späölde heer bij versjèllende aander clubs, boe-oonder [[FC Barcelona]] (1973-78) en de [[Washington Diplomats]] (1980 en 1981). Vaan 1981-83 späölde heer weer bij Ajax; heer sloot zien voetbalcarrièr aof bij [[Feyenoord]] (1983-84). Korten tied later woort heer trainer bij Ajax (1985-88) en Barcelona (1988-96). Ouch traoj heer dèks op es commentator bij voetbalwèdstrije. In 2015 maakden 'r bekind tot 'r kaanker had, boe heer 't volgend jaor aon storf.