Federaol Staote vaan Micronesië: Versjèl tösje versies

[[Ethnologue]] erkint 18 taole in 't land: 't [[Ingels]], 't [[Ngatik-maansluicreool]] (gebaseerd op 't Ingels en inderdaod neet door vrouwlui en kinder gebruuk) en 16 inheimse taole, mèt daoneve [[Chinees]] en [[Japans]] in immigrantegemeinsjappe.<ref>[http://www.ethnologue.com/show_country.asp?name=FM ethnologueEthnologue report for Micronesia] ''(sic)''</ref> Alle inheimse taole zien [[Austronesische taole|Austronesisch]], meh versjèllende tale hure bij versjèllende gróppe. Dit kin, wie bove al gezag, leech werpe op de etnische samestèlling vaan de bevolking. Um te beginne hure alle Austronesisiche taole vaan 't land ouch nog bij de inger gróppe vaan de [[Malayo-Polynesische taole]] (de taole vaan d'n Austronesische [[diasprora]]) en de [[Oceanische taole]] (de oostelekste gróp). 12 vaan de 16 inheimse taole zien [[Micronesische taole|Micronesisch]]; oetzunderinge zien 't [[Yapees]] (wat binne 't Oceanisch 'n westeleke gróp op zien eige vörmp), 't [[Kapingamarangi (taol)|Kapingamarangi]] en 't [[Nukuoro (taol)|Nukuoro]] ([[Polynesische taole]], dus deil vaan de oostelekste gróp oet de ganse familie), en 't bekaans oetgestorve [[Nuguluwees]] ('n mingtaol tösse Yapees en Ulithiaons). Binne dees twelf taole gief 't drei families, TrukeesTrukese taole, Ponapese taole en 't [[Kosraëes]] (geïsoleerd binne dees tak). De ierste twie zien inger aonein verwant es de derde. Trukees zien 't eigelek [[Chuukees]], daoneve 't [[Mortlockees]], 't [[Namonuito]], 't [[Pááfang]], 't [[Puluwatees]], 't [[Satawalees]], 't [[Ulithiaons]] en 't [[Woleais]], Ponapees zien 't eigelek [[Pohnpeis]], daoneve 't [[Mokilees]] en 't [[Pingalepees]]. Daoneve höbbe de relatief groete taole Chuukees en Pohnpees ouch versjèllende dialekte.