Dominica: Versjèl tösje versies

| km2 = 750 | pctwater = praktisch 1,6

Dominica, eint vaan de [[Bovewindse Eilen]], mèt 750 veerkentege kilometer en is daomèt good e daarde vaan Nederlands Limbörg. 't Geit dus um e bezunder klei land; 't is 't 176e land nao oppervlaakde (nao [[Bahrein]] en veur [[Tonga]]). Dominica is bergechteg, daankzij doezende jaore vaan [[völkaon|völkanische]] activiteit. D'n hoegste berg is [[Morne Diablotins]] op 1447 meter. Allewel tot 't eiland geologisch gooddeils tot rös is gekoume, gief 't nog wel doorgoonde völkanische activiteit, wie me oonder aandere trökzuut in 't zoegeneump ''[[Boiling Lake]]''. Tropisch klimaot vaan 't eiland is bepaold naat, mèt 5000 [[millimeter|mm]] aon de kös aon loefzij, 1800 mm aon de lijzij en tot wel 9000 tege de berg aon de loefzij. De rege weurt aongeveurd door noordoosteleke [[passaot]]win, die dus vaanaof d'n [[Atlantische Oceaon]] koume aonwejje; es gevolg heivaan is 't in de wintermaond vaan 't noordelek haafroond minder werm: in [[jannewarie]] gemiddeld 26°C tegeneuver 32°C in [[juni]]. Dominica ligk in 't [[orkaon]]trajek; hel störmwin die veur verweusting zörge zien gein oetzundering.

De volkstaol is 't [[Antilliaons Creools]], 'n [[creooltaole|creooltaol]] gebaseerd op 't [[Frans]]. Dees taol zouw door zoe'n 42.000 lui op 't eiland weure gesproke.<ref name=dm>[http://www.ethnologue.com/show_country.asp?name=DM Ethnologue report for Dominica]</ref> Ze liekent sterk op de Franse creooltaole vaan kortbij eilen, zoe sterk zelfs tot ze daomèt weurt geach ein taol te vörme.<ref name=acf>[http://www.ethnologue.com/show_language.asp?code=acf Ethnologue report for language code: acf]</ref> In tegestèlling tot de eilen boe Frans de officieel taol is, liek 't gebruuk vaan dit dialek hei oonder drök te stoon: veural de joonger generatie geit mier en mie op 't [[Ingels]], de officieel taol, euver.<ref name=acf/> Dees taol heet in 't land intösse zoe'n 10.000 sprekers.<ref name=dm/> De positie vaan 't Standaardfrans is zwaak, al is 't land wel lid vaan [[La Francophonie]] (neve 't [[Brits Gemeinebès]]). Drei dörper kinne 'n Ingelstaoleg creool, 't Kokoyingels, wat e dialek is vaan 't [[Bovewinds Creoolingels]]; alles bijein geit 't nog um zoe'n 200 sprekers.<ref>[http://www.ethnologue.com/show_language.asp?code=aig Ethnologue report for language code: aig]</ref>