Assel oontlient ziene naom aon 't [[Aajdnederfrankisch]] ''Ascaloha'', vaan 'tde [[Oergermaans]]e wäörd ''aksi'' 'es' en ''lauha'' 'lo(o), leechte en begoonbare bos'. In de [[Karolingischen tied]] (achsten tot èlfden iew) waor 't 'ne [[vroonhoof]] en [[palts]]. Bij de invalle vaan de [[Noormanne]] deende Assel es oetvalsbasis veur ruiverije. Sinds oongeveer 1100 waor Assel 'n eige hierlekheid. Einen hier vaan Assel, Rutger (1275) waor ouch lienmaan vaan zoewel 't [[graofsjap Gelder]] es 't [[graofsjap Loeën]]. De hierlekheid en de vroonhoof bleve tot 1695 bestoon; toen woort ze aon Zjwame touwgeveug. Tot 2007 hoort de plaots bij de toen opgeheve gemeinte Zjwame.
