Slavernie

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Slavernie is 'n vorm van ónvriewillige deens worin 'ne persoean wuuertj behanjeldj es 't eigedóm van 'nen angere persoean. De persoean dae 't bezit is wuuertj 'ne "slaaf" geneump", nao e vouk oppe Balkan det ieëvelang de wichtigste leveranceer veur slave waas (vergeliek "Slavisch" en ouch "Servië" mit Letien servus, "slaaf").

Nederlandj sjafdje de lucratieve slavernie officieel op 1 juli 1863 aaf, in 't Belsj pas officieel in 1940, al koom 't al mieër es 'nen halven ieëf neet mieë veur. De Vereinigdje Staote volgdje in 1865, nao dao 'ne börgerkrieg euver te höbben oetgevóchte. Frankriek sjafdje al tiejes de rivveluusje in 1789 de slavernie aaf (went det huuerdje neet bie geliekheid, vrieheid en brodersjap), trótsdet Napoleon det snel weer trögkdrejdje. In 1807 verbooj Groeat-Brittannië de hanjel in slave.

'ne Slaaf wirkdje meistes van zien gebaordje (of vangs) toete doead veur zienen eigeneer. 't Kós ouch zeen det 'ne slaaf woort vriegelaote.

Slave woorte gevange genómmen of es slaaf gebaore. Persoeane kósten ouch toete slavernie waere veroeardeildj es straof veur e misdrieg.