Sittardia (voetbalclub)

Dit artikel is gesjreve (of begós) in 't Zittesj. Laes hie wie v'r mit de versjillende saorte Limburgs ómgaon.

---

De Roems-Katelieke Sportvereiniging Sittardia waor ein voetbalclub oet Zittert. De club sjpeelde haor toeswedsjtrieden op 't Sittardia-terrien en vanaaf 1964 in De Baandert.

Gesjiedenis

Sittardia is opgerich in 1950 tösjen ein fusie van RKVV Sittardse Boys en vv Sittard. Oeteindelik is de club gefuseerd mit Fortuna '54 oet Gelaen es de Fortuna Sittardia Combinatie, later Fortuna Sittard

Sittardia kwaom tösje 1954 en 1968 oet in 't Nederlands betaaldvoetbal en sjpeelde in dees periode veurnamelik in de Eesjte Divisie. In 1959 waerde Sittardia kampijoen van de Eesjte Divisie en promoveerde daodoor, mer 'n jaor later degradeerde 't weer. Ouch in de seizoene 1963/64 en 1965/66 waerde Sittardia kampijoen van de Eesjte Divisie. 't Jaor nao de lètste promotie waerde 'n zevende plaats in de Eëredivisie behaold. Nao ein achteende en lètste plaats in seizoen 1967/68 ging Sittardia op tot de fusie Fortuna Sittardia Combinatie.

Erelies

Competitie	Aantal	Jaoren
Nationaal
Eesjte Divisie	3x	1958/59, 1963/64, 1965/66