Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Kurz in 2016

Sebastian Kurz (17 augustus 1986, Wene) ies 'nen Oasteriekse politicus van de christendemocratische partie Österreichische Volkspartei (ÖVP) en van 18 december 2017 bies 9 oktober 2021 de bondskanseleer van Oasteriek. Saer mei 2017 is hae ouch de leier van de ÖVP. Mèt de nationale verkezinge in 2017 wonne hae en zien partie mèt de sjlogan "Liste Sebastian Kurz - die neue Volkspartei" en woort nao de euverwinning beëideg door d'n Oasteriekse president, Alexander Van der Bellen. Hae nom daomèt 't bondskanseleerssjap euver van de sociaaldemocratische Christian Kern. Op 15 december 2017 kaome hae, zien partie en de rechs-nationalistische partie Freiheitlichen Partei Österreichs (FPÖ) tot 'n akkoord veur 't vörme van 'n koalitie. Hae ies de jongste leier in de Europese Unie, zelfs de jongste leier in de nao-oorlogse historie van Europa en volges sommege d'n ièrsjten millennial dae regeringsleier ies (volges sommege luuj is dat emes gebore aan 't eind van de tachteger jaore, mer de meiste luuj sjtèlle dat millennials zint gebore nao 1989, woadoor Kurz dao dus zjuus neet ongervilt).

Wier waor Kurz van 2009 tot 2017 de leier van de Jungen Volkspartei (JVP), de jeugpartie van de ÖVP, van 2010 tot 2011 waor hae lid van de Weense gemeinteraad en in 2013 waor hae tiejelek lid van de nationaalraad. Van 2011 tot 2013 waor hae Sjtaatssekretaar van Integratie en van 2013 tot 2017 behuèrde hae tot de boondsregering es Minister van Europese en Internationale Aangelegeheje.

In 2021 kreeg Kurz te make mit e corruptiesjendaal. De Oasteriekse pelitie veel op zeuk nao documinte umtrint umkouping en machsmisbroek onger miè de ambsweuning in. Allewel dat hae zelf de besjöldiginge óntkinde, besjloot hae aaf te trejje wie de Greune neet miè mit häöm wiejer wouwe. 't Kanseleersjap woort tiejelik euvergenomme door Kurz ziene partiegenoot van de ÖVP: Alexander Schallenberg. Schallenberg waor onger Kurz de Minister van Europese en Internationaal Affaires. Saer 6 december 2021 woort Karl Nehammer, onger Kurz minister van binnelandse zake, de bondskanseleer.

Bron bewirk

  • Duutsjtalege wikipedia
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sebastian_Kurz&oldid=460860"