Rhenen

Nederlandse gemeinte

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Rhenen
Ligking vaan Rhenen in Utrech

Rhenen is e stedsje en 'n gemeinte gans in 't zuidooste vaan de Nederlandse provincie Utrech, gelege aon de Nederrijn, mèt 'n oppervlak vaan 42,99 km2 (daovaan 1,28 km2 water) en (1 april 2016) 19.425 inwoeners. Neve de stad Rhenen heet de gemeinte de kerne Achterberg en Elst zoewie de naobersjappe Laareind en Remmerden.

Rhenen is 'n bezeensweerdege plaots. Ze weurt gedomineerd door de laatgotische Sinte-Cunerakèrk, mèt cultuurhistorisch belangrieken torie. In de umgeving ligke nog väöl landgeujer, die dèks es natuurrizzervaot deens doen. Kortbij de stad ligk ouch de Grebbeberg, mèt 't Ouwehands Dierepark. Bij sportfietsers is de plaots geleef, oonder mie um 't Paardenveld, de steilste beklimming vaan de ganse provincie.

Historie bewirk

Rhenen heet ziene naom vaan de Rijn; mesjiens is 't de in 855 geneumde "Villa Rheni". Volges de legende is de marteleerse Sinte Cunera hei door wörging vermaord. In de twelfde iew verkraog de bisjop vaan Utrech 't. Te lèste in 1364 kreeg de plaots stadsrechte. Daonao woort de stad herhaoldelek belegerd en vereuverd: door de hiere vaan Kleef (1499), door de heertog vaan Gelder (1527) en door de Fransoze (in 't "Rampjaor 1672"), die de stad zwoer besjaojegde. Bij d'n Duitsen inval in mei 1940 woort op de Grebbeberg hel slaag geleverd door de Nederlandse tróppe, wat oetindelek weer in enorm verweustinge rizzelteerde. Bij 't opheffe vaan de naobergemeinte Amerongen op 1 januari 2006 kraog Rhenen 't dörp Elst gans in han; veurheer had dit deils oonder Amerongen, deils oonder Rhenen gevalle.

Externe link bewirk

 
Provincie Utrech
 

Amersfoort · Baarn · Bunnik · Bunschoten · De Bilt · De Ronde Venen · Eemnes · Houten · IJsselstein · Leusden · Lopik · Montfoort · Nieuwegein · Oudewater · Renswoude · Rhenen · Soest · Stichtse Vecht · Utrech · Utrechtse Heuvelrug · Veenendaal · Vijfheerenlanden · Wijk bij Duurstede · Woerden · Woudenberg · Zeist

Opgelufde gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rhenen&oldid=412651"