1499

1498 - 1499 - 1500

Gebäörtenisse Bewirk

8 jannewarie - De keuningin-widvrouw van Frankriek, Anna van Bretagne, trouwtj mit de nuje vórs Lodewiek XII, dae ieëre zien gemalin Johanna van Frankriek haw verstoeate.
22 fibberwarie - In opdrach van de nuje Friese stadhouder Albrecht van Sakse wuuert begós mit de boew van de Blokhuispoort in Lieëvarde, e verdaejigingswerk en 'n dwangbörch.
26 mei - Hinrik IV van Nassau-Beilstein wuuert opgevolg door ziene zoon Johan II.
8 juli - 't Belègk van Rhenen haet plaats ónger leijing van Jan II van Kleef.
25 juli - Hertog Albrecht beneump veur Frieslandj 'ne Raod van èlf luuj oet riddersjap en geiselikheid, mit 'ne kanseleer es veurzitter. E deil van de Raod verzörg 't bestuur, 't angert de rechspraok.
26 juli - De Spanjole gaon veuren ieëste aan landj op Curaçao, det nag wuuert bewóndj dore Arowakke.
18 september - Vasco da Gama kump trögk in Lissabon van zien reis nao Veur-Indië.
22 september - De lèste krieg tösse de Habsburgers en 't Zwitsers Eidgenoeatsjap löp slech aaf veur keizer Maximiliaan I. Bie de Vraeje van Bazel mót t'r de Zwitsers bao ganse ónaafhenkelikheid toestaon.
Mit 'ne Fransen inval in Milaan begintj d'n Twieëdjen Italiaanse Krieg.
8 dieëtsember - De kanseleer van Castilië, kardinaal Francisco Jiménez de Cisneros, duip ónger drang en mesjiens dwang zoea driedoezjend moslims. 'n Wichtige moskee wuuert 'n kirk en islamitische beuk waere verbrandj.