Kepèl

(Doorverweze van Panninge)

Dit artikel is gesjreve (of begós) in 't Heljes. Laes hie wie v'r mit de versjillende saorte Limburgs ómgaon.


Veur anger beteikenisse van "kepel" of "kepèl", zuuch: kapel.

Kèrk van Kepèl

Kepèl (Nederlands Panningen) is 'n dörp in de Nederlands-Limburgse gemeinte Pieël en Maas, vasgegreujd aan Helje wat t'n oeëste van Kepèl ligk. 't Dörp heij op 1 juli 2008 7598 inwoeëners. Bovedeen sjtóng in Kepèl 't raodhoes van Helje.

Kepèl is genumt nao de in 1643 gebouwde kapèl, die de ganse gemeinte veurzoog. Toen in de negentiende ieëw de religieus belaeving veul intenser woort mós me de kapèl oetbouwe tot 'n echte kèrk. In 1929 woort de aoj kepèl aafgebroke en door 'n ni-j kèrk vervange van arsjitek H.W. Valk. Ze rakde in 1944 zwaor besjadigd mer is daonao gerestaureerd.

Kepèl is 'n belangriek regionaal centrum: 't veurzuut de umgeving van sjoeële, wèrk in d'n deenstesector en winkels.

Beij Kepèl, allewiel aevel mieër beij Beringe, mak de Panninger Linie 'nen dreij. Dees isoglos (de grens tösse slaope en sjlaope) is dan ouch nao dit dörp genumd.

Tot 1 januari 2010 waor Kepèl de hoofplaats en de groeëtste kern van de toen opgeheve gemeinte Helje.


Commons
Commons
Op de pazjena Kepèl van Wikimedia Commons zeen media gerelateerd aan dit óngerwerp te vènje
 
Gemeinte Pieël en Maas
Vaan van Pieël en Maas
Vaan van Pieël en Maas
Dörper:

Baolder · Beringe · Bree · Echel · Eik · De Grashook · Helje · Kepèl · Kessel · Kunningslus · Mael

Gehuchte en naobersjappe:

Belgenhoek · Oijen · 't Rooth · Rogkelsendiek · Siberië · Witdónk · De Zele

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kepèl&oldid=438794"