Mael (dörp)

Dit artikel is gesjreve (of begós) in 't Maels. Laes hie wie v'r mit de versjillende saorte Limburgs ómgaon.

---

Mael (Meijel) Gewaeze gemeinte in Nederlandj
Gevörmp	?
Opgehaeve	2010
Opgegange in	Pieël en Maas
Provincie	Nederlands Limburg
Hoofplaats	Mael
Opperflaakde (bie opluffing)	20,00 km²
– daovan water:	0,25 km²
Inwoeners (kort veur opluffing)	6.032 (11-2009)
– deechde:	296/km²
Lies van börgemeisters

Mael (Veldekespelling) of Méél (Braobantse Rifferentiespelling) (officiële naam Meijel) is 'n dörp in de Nederlands Limburgse geminjte Pieël en Maas, gelege tusse Venlo en Wirt. In 2013 ha de toenmalige geminjte 6.079 inwoners; 't landoppervlak war 20 km². Besjèrmheilege is Sinterklaos.

Historie

Mael, in de Middeliewe as Medele opgetikkend, hè laang in isolatie verkierd. De historie van de geminjte is nao de Middeliewe ok wizzelik anders as die van alle platse in de umgaeving. 't Kortbij Deurne góng nao 1648 bij de Generaliteitslen (de wingeweste van de Republiek van Zeuve Verinnegde Nidderlaand) hure en Helde huurde nao de Spanse Successieoorlog bij Pruse, terwijl Mael nao de Oosteriekse Nidderlaand góng.

Vanaf 2010 makt Mael dil utj van de nei geminjte Pieël en Maas, worin ok de geminjtes Bree, Helde en Kessel zin opgegao. Mael war de innege geminjte die tege dizze fusie verzèt booj. Ènvankelek war de rao tege: alliën de Maelse Volkspartij (MVP) en de VVD, same goe vur drei van de èlf zedelere, stèmde vur. Latter veranderde evels 't CDA (drei zedelere) van minning, wa 'n mierderhidj makte. Alliën FWM/PvdA, mi vijf zedelere de grötste fractie mèr dus ginne mierderhidj, blif tege.

Historische inwoenertalle

---

De volgende sectie van dit artikel is gesjreve in 't Mestreechs.

---

Jaor Aontal Gruej (gans Limbörg) 1830 840 -- 1840 950 +13,1% (+5,6%) 1849 974 +2,5% (+4,3%) 1859 945 -3,0% (+4,4%) 1869 1.127 +19,3% (+4,5%) 1879 1.389 +23,2% (+7,0%) 1889 1.493 +7,5% (+6,8%) 1899 1.649 +10,4% (+10,2%) 1909 1.839 +11,5% (+18,2%)

Jaor Aontal Greuj (gans Limbörg) 1920 2.018 +9,7% (+32,6%) 1930 2.253 +11,6% (+25,1%) 1947 2.773 +23,1% (+24,1%) 1956 3.295 +18,8% (+27,3%) 1960 3.512 +6,6% (+7,4%) 1971 4.635 +32,0% (+13,9%) 2004 5.830 +25,8% 2009 6.032 +3,5% 2013 6.079 +0,8%

Opmerking

• 't Ciefer veur 1971 is op e gans vieftal aofgeroond.

Rillatief oontwikkeling vaan 1830 tot 1971

(v₁₈₃₀=100)

Greun: Gemeinte Mael
Blauw: Provincie Limbörg

Waope

Op 28 juli 1819 kraog de gemeinte Mael vaan d'n Hoege Raod vaan Adel 't volgend waope touwgekind:

Vaan lazuur (blauw) belaoje mèt 't beeld vaan Sinterklaos vaan goud.

Allewel tot 't diploma dat neet zeet, weurt d'n heilege ummer mèt 't bad mèt de drei kinder geteikend.

Wie in väöl Braobantse en versjèllende Limbörgse gemeintes is 't waope gebaseerd op 't zegel vaan de aw sjepebaank en verliend in riekskleure (dat wèlt zègke de kleure vaan 't Nederlands waope).

Dialekt

't Maels plat is dur z'n bèzonder historische pesitie uniek van karakter: nie alliën is 't dudjelek 'n uverganksdialekt van 't Limburgs nao 't Braobants en Gelders-Kleverlands - dè gelt vur miër dialekte - ok hi 't 'n unieke combinatie van kènmerke. 't Maels plat lèkt völ op 't Meierijs meh hè zjus wie de mieëste Limbörgse dialekte wel de sj-klank in wörd wie sjoeën.