Pötbrooks
Dit artikel is gesjreve (of begós) in 't Pötbrooks. Laes hie wie v'r mit de versjillende saorte Limburgs ómgaon.
't Pötbrooks is 't Limburgs dialek det me in 't gehuch Pötbrook kaltj en qua kinmirke bao gans euvereinkump mit 't Deelgaards. 't Kènmirk zich door tösse 't Mofers en 't Echs in te ligke. 't Kintj de óneigelike twieëklenk ieë en uue, juus wie in 't Mofers en 't Echs, meh gebroek de Moferse oea in plaats vanne oa van Ech en Sint-Joeas. Pötbrook ligk same mit Mofert in 'n enclaaf vanne Panninger Linie: me zaet stad en neet sjtad, wie inne ómringendje dörper. Bakkes (1996; 9) zaet waal det dit allewiel in Pötbrook ouch versjuuf is nao sjtad. Oppe Deelgaard mót m'n ummer sjtad höbbe gezag.
't Pötbrooks is waal minder gemouilleerd es 't Mofers, me mouilleertj noeatj inne vóltoeadje deilwäörd op 'n -r, en ouch neet inne wäörd geit (van gaon), sleit enzowiejer; in 't Mofers is det optioneel. De verdeiling van -sj is anges es in Mofert. In Pötbrook zaet me flesj en vèsj veur 't (medern) Mofers fles en vès; dao steit waal taengeneuver det 't Pötbrooks mienselik haet veur 't Moferse miens(j)elik. 'n Anger kènmirk is det me hawte zaet in plaats van ha(o)je.
In taengestèlling toet Mofert en Remunj gebroek me weer in plaats van veer; det is euvereinkumstig mit 't Echters, meh wiek aaf van 't dialek van de Boesj, wo me wier zaet.
Brón
bewirk
- Bakkes, Pierre. "Variatie en verandering in het Montforts" (1996).
Dit artikel is e sjtumpke. De kans Wikipedia helpe door 't aan te völle