Echters
Dit artikel is gesjreve (of begós) in 't Echters. Laes hie wie v'r mit de versjillende saorte Limburgs ómgaon.
't Echters of Echs is 't plat zoawie det gespraoke wuuertj in Ech.
Kinmèrke bewirk
Óneigelike twieëklank bewirk
In Ech kalle ze mit de zoageheite óneigelike twieëklank. Dit zeen de klanke oa, ieë en uue.
Panninger Linie bewirk
Ech lèk ten oaste vanne Panninger Linie, wodoor me in Ech van "sjtad" en "sjtaon" kaltj. In 't Echs kump dus ein "j" tösse de "s" en de "t". Det guldj ouch veur wäörd die beginne mit zjw-, sjl-, enz.
Traditioneel gezeen sjprèk men in Ech waal van "stad" en "staon" (ten weste vanne linie), mer det is allewiel neet mièr 't geval.
Aod en awd bewirk
In 't Echs kump zoawaal de vorm aod/aoj(e) es awd veur, aafhankelik van 't zinjsverbandj.
Nen aoje miens is awd.
Euveriges kump 'n dergelik versjiensel neet alein in Ech veur. In Mestreech gebäörtj 't persies angesóm: 'Nen awwe mins is aajd.
Rónjing bewirk
Kinmerkendj veur 't Echters is ouch 't verrónje van sommige klinkers in wäörd wie hae bruk en 'n spun (taengeneuver Mofers: hae brèk en 'n spin).
Externe links bewirk
