Mille (Zelfkantj)

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Zelfkantjs, es te dit dialek sjpriks.

---

Mille (Duutsj: Millen) is e dörp inne gemèndje Zelfkantj in 't Kreis Hinsberg, Naordrien-Wèsfale. 't Ligk in 't wèstelik gebied vanne gemèndje, tösse Töddere en De Nuujsjtad (kórtbie Zitterd). In Mille woeane net get mieër es 300 luuj.

Euverzichskaart van Mille.

Gesjiechte

De kestieël Mille waar toete verkoup vanne hieërlikheid Millen aan Dietrich II van Hinsberg in 1281 de zaetel vanne hieëre van Mille. Nao wiejer tössetiedse wusselinge vanne mach behuuerdje Mille vanaaf 1499 toet 't Hertogdóm Gulik; de kestieël Mille woort de zaetel vanne oete drie hieërlikheje Gangelt, Vuch en Millen opgeboedje Guliksen amb Mille.

Tössen 't begin vannen twelfdjen ieëf en 't jaor 1802 besting in Millen ein ane Benediktienerabdie Sint-Michael in Siegburg óngergesjik Benediktienerkloeaster; de al bestäöndje parochiekirk woort es proosdiekirk gebroek.

De Roeaj Baek vörmp saer de grensbepaoling door 't Congres van Wenen in 1815 de grens tösse Duutsjlandj en Nederlandj. Saer dezen tied is de links vanne baek gelaenge kestieël Nederlandjs, mer 't rechs vanne baek gelaenge dörp Duutsj.

Van 23 april 1949 toet 31 juli 1963 sting de Zelfkantj en daomit ouch Millen ónger Nederlandjs gezag. Op 1 augustus 1963 völgdje nao betaling van 280 miljoen Duutsje mark aan Nederlandj de trögkgaaf. Op 24 juni 1969 woort de gemèndje Millen opgeluf en samegeveug mitte ómligkendje gemèndje toete gemèndje Zelfkantj.

Plaetjes

• 
  Kestieël Mille.
• 
  Parochieel prosdiekirk Sint-Nicolaas.
• 
  Millenermeule.