Mezeik

Dit artikel is gesjreve (of begós) in 't Mezeikers. Laes hie wie v'r mit de versjillende saorte Limburgs ómgaon.

---

Stad Mezeik
Geografie
Gewês	Vlaondere
Provinse	Limburg
Arrendissement	Mezeik
Geografische coördinate	51°05' N.B. 5°47' O.L.
Oppervlak	76,91 km²
Deilgemeinte	Mezeik Nerotere Opotere
Bevolking (Bron : NIS)
Inwoener (01/01/2014)	24.969
Mansluj Vrouwluj	12.497 (50,05%) 12.472 (49,95%)
Dichtheid	324,64/km²

De Maas bie Mezeik

Mezeik (Hollese naom: Maaseik) is 'n stad en gemeinte in Bèlsj Limburg. Ze hèt mie es 24.500 inwoeners.

Mezeik lik aanne Maas, de reveer woenao 't Maasbekke geneump is. Nerotere en Opotere zeen deilgemeinte van Mezeik. Men wêt dat Mezeik de geboeërteplaats is van de breurs Jan en Hubert van Eyck, woevuur e stanbeeld stuit oppe mèrt. De stad is ouch e regionaal óngerrichcentróm met 'n ôwtgebreijd aanbod aan middelbaar sjoele, di-j ouch vanuuver de Maas ôwt Holland drök bezoch wuure.

Historie

• 1244 Mezeik krieëg stadsrechte.
• 1476 Krui-jshieëre stichte e kloeëster.
• 1684 Groete brandj verneel ein dörde vanne stad.

Kaokkuns

Mezeik stuit bekind óm zinne knapkook.

Musea

• Museactron hèt dri-j musea ónger ein daak: 't regionaal archeologisch mezejóm, 't appetiekmezejóm en 't bekkeriej-mezejóm.
• Sjatkamer St.-Catharina mèt de Codex Eyckensis, 't audste evangeliebook vanne Benelux.
• Minderbroederskloester hèt e permanente ekspezi-jsie rondj lieëve en wirk van Jan van Eyck en Hubert van Eyck. De kêns dao ouch terech vuur e virtuele stadswanjeling en de kêns e maquette van de stad in 1672 beki-jke.

In de stad stuit 'n aantal gebôwwe in Maaslandse renaissance, o.a. 'n aw appetiek.

Extern linke

Commons: Maaseik – Media gerelateerd aan dit óngerwerp

• Website vanne stad