Martakert (sjtad)

Dit artikel is gesjreve (of begós) in 't Belvends. Laes hie wie v'r mit de versjillende saorte Limburgs ómgaon.


Zich op 't aad gedeilte van de sjtad Martakert

Martakert of Ağdərə (Armeens: Մարտակերտ; Azerbeidzjaans: Ağdərə; Rössisch: Мардакерт ) is 'n sjtedje in 't Azerbeidzjaanse distrik Tərtər en de betwisde regio Hoeëg-Karabach. 't Waar wies 't Azerbeidzjaans offensief van 2023 'n sjtedje in de de-facto Rippebliek Artsach. Det waar 'ne internationaal neet-erkènde sjtaat op 't grónkgebeed van Azerbeidzjan. Martakert waar de huidplaats van de gelieknamige regio. 't Sjtedje ligk op 415 maeter huuegte en tèlde óngevier 4.600 inwoeëners (2015), woevan wiedoet de meiste etnisch Armeens waar.

Tösse 1923 en 1991 veel Martakert binne de grenze van de Nagorno-Karabachsen Autonomen Oblas (NKAO). Tiedes d'n Oorlog in Hoeëg-Karabach (1988-1994) kwaam 't sjtedje ónger kontrol van Azerbeidzjan, maar saer 1993 huurde 't beej de Rippebliek Artsach. Nao 't Azerbeidzjaans offensief van 2023 kwaam 't weer in Azerbeidzjaanse heng en sjloge de etnisch Armeense bewoeëners van 't sjtedje op de vlöch.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Martakert_(sjtad)&oldid=462116"