Marjon Lambriks
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Marjon Lambriks ies 'n mezzo-sopraan, die gebore ies in Valkeberg in 1949. Ze waor getrouwd mèt Arthur Oostwegel. Ze höbbe ein dochter. In 1991 ies hae gesjtorve. Marjon Lambriks woont in Monaco en ies getrouwd mèt Leon Lombaert.
Opleiding
bewirkNao 'n opleiding veur apothekersassistente, sjtudeerde ze zank aan 't conservatorium van Mestreech en daonao bie Paula Lindberg in Amsterdam.
Naodat ze in 1970 'n concours in Antwerpe gewonne houw, ging ze nao Salzburg wiejer sjtudere. Dao kreeg ze de "pries van de sjtad Salzburg". Achtereinvolgens waor zie verbónge aan de "Wiener Kammeroper" (1971), aan de "Volksopera van Wene" (1972) en aan de "Opera van Wuppertal" (1974). Daoneve houw ze gasoptraejes bie de 'Festspielen' van Bregenz en Salzburg (1975), in (1976) in Zurich en in Nederland.
Ouch in Limburg waor zie bie diverse muzikaal evenemente te gas. Veural operette- en musicalmelodieë sjtoon op häör repertoire, meh ouch opera.
In 1978 woort zie óngersjeije mèt de Orde van de Gulden Humor, 'ne pries van de gezamelike Limburgse carnavalsvereiniginge.
In 't naojaor van 2009 naom ze aafsjeid van 't muziektheater.
Discografie
bewirk- 1987 LP Weense operettemelodieë
- 2003 CD Meine schönsten Liebeslieder