Wuppertal
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Elberfelder Platt, es te dit dialek sjpriks.
Wuppertal is 'n krinkloes stad (stad die neet behuurt bis 'ne krink of Kreis, dus Kreisfrei is) inne middel vaan Noordrien-Wesfale. De Bergse plaots vilt oonder 't Regierungbezirk en ligk neve de steij Remscheid en Solingen en de kring Ennepe-Roer-Kreis en Kreis Mettmann. Wuppertal ligk op 'n hoegte vaan 160 meter. De stad heet 'n oppervlak vaan 168,39 km², en volgens de census vaan 2014 gief 't dao 343.488 inwoeners. Heimèt heet 't 'n bevolkingsdeechte vaan 2040 de veerkante kilometer. Sinds de nuie stadsraod vaan 2014 zien de SPD en CDU de groetse polletieke partieë mèt 19 zetels per partie. Op de daarde plaots kump daan de Grüne (10). In Wuppertal ligk de Bergische Universität Wuppertal. 't Gief nog veer hoegesjaole in de stad. Wuppertal is 't cultureel centrum vaan de Bergse len. De stad besteit oet 10 distrikte.
Op 3 augustus 1965 hiemelde de Chinees-Limbörgse sjacheleer Tsen Koa Pai in Elberfeld, inmiddels e stadsdeil vaan Wuppertal. In Vinlo stoond de stadsfiguur bekènd es Pinda Wullem.
Brón
bewirk- Duutstaolege Wikipedia