Mangemaker

Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.

'ne Mangemaker is emes dae veur zien beroep mange mak. In de Euregio Maas-Rien make ze veural mange van wisse. Veurdes se ein mang van wisse kins make, geit d'r 'ne lange tiëd euverheen. De mos dien wisse sjtekke, laote greuje, afdoon en dan laote druge. 't Irste jaor bis se dus veural oppe wissenakker bezig. 't Is 'n aod ambach wat eigelik allein nog as hobbie wurt gedaon. Want mange diese bei de groëthanjels köps, zien allemaol oet de lieëg-loeën-leng. Daor kinne ze nog good en goodkoup gemak waere. Veur de res is 't 'n erg ardbeidsintensief werkske. En dus kin d'r nou némes mieër van rónkkómme, mer vreuger toen deje ze neet angesj. Toen ware d'r veural mange nuddig oppe boerderie. En as se gelök hajs kos se ouch nog get vlechte um te visse, zoewie fuike.

De volgende sectie van dit artikel is gesjreve in 't Valkebergs.

Neve wisse of wietse woorte mangele ouch gevlochte van hazelaeretek. Ze waore dónkerbroen gekleurd, neet ech sjterk en daodoor gein lang leve besjore.
Emes, dae zich bezig heel mèt 't inzètte van 'ne nuje baom in 'n mangel, woort 'ne mangelebäömer geneump. Tegewoordig were de meiste mangele gevlochte van reet.

De volgende sectie van dit artikel is gesjreve in 't Norbiks.

'ne Bekaande mangemaker waor 't Wissemenneke va Norbik.