Leentdörp

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

'n Leentdörp is 'n laankgerèkt dörp dat zich langs 'n sjtraot of langs 'n baeëk gevörmd haat. Gegreujd vanoet e lintgehuch zint o.a. Wel, Geulem, Sjweeberig, Raor, Zjwier, Hobbelrade.

Langs 'n baeëk

Es de beboewing langs 'n baeë gesitueerd is:

Böätenake, langs de Gulp
Voere langs de Voor

Langs 'n sjtraot

Es de beboewing zich verdichde is d'r sjpraoke van e sjtraotdörp zoeë es bv. Amie, Aelse, Sint-Gerlach, Pöt, Sjtröch, Sjtókkem, Rimmesjtók, Keer, Herkenter, Groêselt, Ranzel, Sjuuëlder, Ingber, Gulpe.

De volgende sectie van dit artikel is gesjreve in 't Mestreechs.

Ouch in aander streke kump dit bebouwingstyp veur. Staphorst-Rouveen is e bekind veurbeeld.

'ne Variant heivaan is de bebouwing aon 'nen diek. Dit kump bezunder väöl veur in Holland, beveurbeeld in Papendrecht, Sliedrecht en Hardinxveld-Giessendam (vaanajds in 't verlengde vaanein, en alledrei intösse mèt groete nuibouwwieke.).

Aon 'ne vaart

Ouch in Holland en westelek Utrech vint me dörper aon 'ne vaart. Dit wijs op ootnginninglandsjap: laanks de vaart löp 'ne weeg, boe-aon de boerderije ligke die allemaol eine laankgerekde kavel achter ziech höbbe. De kavele zien daar weer mèt slote vaanein gesjeie. Dèks ligke lintdörper vaan dat typ in de 't verlengde vaanein en goon ze kilometers achterein doot. Dit typ vint me beveurbeeld in d'n Alblasserwaard (o.m. gemeinte Molenwaard) en de Lopikerwaard.