Dit artikel is gesjreve (of begós) in 't Belvends. Laes hie wie v'r mit de versjillende saorte Limburgs ómgaon.


De huidsjtraot van Karvatsjar

Karvatsjar of Kəlbəcər (Armeens: Քարվաճառ, of Kalbajar; Azerbeidzjaans: Kəlbəcər) is 'n sjtad in Azerbeidzjan. 't Is de huidplaats van 't gelieknamige dictrik Kəlbəcər. 't Sjtedje ligk op 1.584 maeter huugde en tèlt óngevier 600 inwoeëners.

Gesjiedenis bewirk

Karvatsjar waar zeker wies 't ing van de 18e ieëw bewoeënd gewees door etnische Armene, wie zeej woorte gedeporteerd en dao Koerde en Azerbeidzjane kwame te woeëne. 't Sjtedje woort tiedes d'n Oorlog in Nagorno-Karabach (1988-1994) veroverd door Armeense troepe vanwaege zien sjtrategische ligking tösse Armenië en de Nagorno-Karabachsen Autonomen Oblas en is saer daen tied ónger kontrol van de separatistische regering van Artsach. Tiedes de verovering van 't sjtedje in 1993 woort volges Human Rights Watch 't oorlogsrech gesjonde. Dao-ónger veel d'n exodus van Azerbeidzjane oet die regio, vergissingsaanvalle op börgers en 't neme van giezelaers.

Tösse 't sjtaak-'t-veure van 1994 en 't oetbreke van d'n oorlog in Hoeëg-Karabach in 2020 waor Karvatsjar de huidplaats van de Artsachse provincie Sjahoemjan.

In november 2020 gove de Armeense separatiste de sjtad en 't distrik truuk aan Azerbeidzjan. Alle inwoeëners verlete 't gebeed ónger Russische begeleijing.

Literateur bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Karvatsjar&oldid=462118"