Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Mestreechs, es te dit dialek sjpriks.

Jeu van Bun (Mestreech, 10 december 1918 - Mestreech, 21 december 2002) waas 'ne Nederlandse voetballer.

Biegrafie bewirk

Van Bun voetbalde 19 jaor op 't hoagste niveau in de Nederlandse competitie, veurnamelik es rechsback. Hievan sjpeelde hae 17 jaor veur 't Mestreechse MVV, eësj es amateur en vanaaf 1954 es semiprof. Van 1956 pès 1960 sjpeelde hae, ouch veur MVV, es profvoetballer in de Eredivisie. In 't sezoen 1960-1961 maakde hae 'ne euversjtap nao de eredivisieclub Willem II en in zien lètste jaor sjpeelde hae in 't sezoen 1961-1962 veur Sparta Rotterdam. Hae scoorde zès gole in de Eëredevisie, allemaol veur MVV.

In zien amateurperiood bie MVV sjpeelde hae in de jaore 1947, 1948 en 1949 èlf interlands veur 't Nederlands Èlftal. In 1948 naom hae es lid van 't Nederlands èlftal deil aan de Olympische Sjpele in Londen wo in de veurrónje mèt 3-1 woort gewónne van Ierlandj. In de eësjte rónje woort aevel mèt 4-3 van 't gaslandj Groat-Brittannië verlaore wodoor Nederland veur wiejer deilname waas oetgesjakeld.

Nao zien carrière es voetballer waas hae actief es voetbaltrainer biej diverse Limburgse amateurclubs.

Brón bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Jeu_van_Bun&oldid=433802"