Neuchteren derm

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

De ligking van 't jejunum of de neuchteren derm.

De neuchteren derm of 't jejunum (medisch: intestinum jejunum) is 't middelste deil van d'n dónnen derm.

De neuchteren derm dank ziene naam aan 't feit det wen emes doad is, dit deil van d'n derm laeg, en dus neuchter, is.

Dezen derm wuèrtj veuraafgegange door d'n twellefvingerigen derm of 't duodenum en geit euver in de krónkelderm, 't ileum.

In de neuchteren derm en de krónkelderm vindj 't grótste deil van de vertaering en de opnaam van voorbestandjsdeiler plaats. De passaasj van 't aetes door de neuchteren derm en de krónkelderm doertj ein à twiè oer. 't Zoer, vleujbaar-gemaakdje aetes vanoet de maag wuèrtj in d'n twellefvingerigen derm mit 't basisch natriumwaterstofcarbonaat oet de alvleiskleer ómgezatte in e neutraal tót lich-basisch (pH 7-9) vleujbaar mingsel. Inne neuchteren derm waere vervölges vriewaal aete voorstoffe aan de vleujstof ónttróch, mit behölp van enzyme in 't dermsaap.