Jeanne Alsters-van der Hor

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

---

Jeanne Alsters - van der Hor (1932) is gebaore en getaoge in Venlo. Vanaaf eur prille jeug haet taal eur groeëte belangstelling. Aanvankelik schreef zeej in ‘t Nederlands en veural proza. Later koos zeej bewus veurnamelik veur dialek. Zeej is lid van de Vereiniging “Veldeke”. Zeej vindt ‘t ein oetdaging um in eur eige dialek de meis oeteinloupende vorme van taal te beoefene.

Publicaties

In ‘t gelieknamige tiedschrif, Veldeke, publiceert zeej regelmaotig net zoeë wie in ‘t periodiek van de krink Veldeke-Venlo : “De Kroedwis”, waovan zeej ouk redactielid is.
In 1977 woort werk van eur opgenaome in ein Nederlandstalige bloomlaezing, oetgegaeve door ‘t Belgisch-Limburgs letterkundig tiedschrif “Schuim”.
In de literaire reeks van Veldeke woort mierdere kiere werk van eur opgenaome.
Ouk verschene d’r publicaties van eur in de Veldeke bloomlaezinge Mosalect 1 (1977) en Mosaïek (Veldeke Literair nr 12) in 2001 en in “Dialekte und Dialektliteratur in der Euregio Rhein-Maas-Nord” (1997).
Zeej schreef 17 jaor tekste veur de Venlose vastelaoveskrant “De Träöt”, waovan elf opeinvolgende kiere ‘t allegorische verhaol “Stien de Kiep”.
Zeej leverde tekste veur de Venlose Revue’s “Waat einen tied” (1980) en “Stel dich ens veur” (1983) en leedtekste beej meziek van Piet Kingma (1975), Gerard Franck (1979) en van Giel Aerts (1987).
In 1979 verscheen van eur hand ein bundeltje kindergedichjes getiteld “Bótterbleumkes”, in 1989 gevolg door ‘t bukske “Dauwdröppelkes”.
D’r woort ein beejdrage van eur opgenaome in “De Chinezen van Nederland” (1988), opstelle euver Limburgse dialekte en ein bibliografie door Jan Notten.
Zeej waas lid van de redactie van ‘t “Venloos Woordenbook” (1993) en makde deil oet van ‘t vertaalteam van “’t Gooje Niets van Marcus” (2001), ‘t Marcusevangelie in ‘t Venlose dialek.
In 2001 verscheen veur eur hand ein Nederlandstalige poëziebeejdrage in ’t cultuur-historisch jaorbook “De Buun”.
In 2006 verscheen häöre gedichtebundel in de LiLiLireeks (nr 55) mèt de titel: Zitte op 'n euverdek terras. In 2008 woort eur 't ierelidmaotschap van de provinciale vereiniging Veldeke Limburg toegekind.

In 2015 woort ein Nederlandstalig verhaol 'Rijkeluiswens' in eine wedstried oètgeschreve door de Culturele Raad Tegelen en de Openbare bibliotheek Venlo veur proza bekroeënd met de ierste pries in de categorie 'Venlo Adult 2015'.

In 2022 woort de literaire gedichtebundel 'Schemering' in eige beheer ònder ISBN-nummer 978-90-9035792-8 oètgegaeve met poëzie in 't Nederlands en Venloos. De fotografie is van Herman van Steenwijk.