Jan Tobben
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Jan Tobben, 1942 - Zitterd, 18 mei 2007, waor 'ne componis, dirigaent, musicus en muziekdocaent.
Docaent en dirigaent
bewirkBie de plaatsjeleke harmonie in Maasbracht, oeë Tobben opgreujde koom z'n muzikaal talaent, zjuus wie dat van z'ne broor Piet Tobben, dirigaent van 't Zitterds mannekoeër Si-Tard, an de opvlakte. Nao z'n sjtudie an 't Conservatorium waor Jan Tobben jaorelaank muziekdocaent an de toenmalige Kweeksjoeël, de huidige Pabo in Zitterd. Haeë dirigeerde 't Heerder Mannekoeër, Chorum Currende, Vox Vivax, 't Damesensemble Fontissima, 't Hertens Mannekoeër, 't Gemengd Zangkoeër St. Petrus in Zitterd en 't gelieknamige jeugdkoeër.
Componis
bewirkJan Tobben sjreef talloze composities väör z'n èège muziek- en zangbundels, die e gebruukde tiedens z'n lèsse. Ooch componeerde Tobben groeëter waerke es Laudate Dominumen 't sjtuk Eirènè.