Jan Krekels

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

Jan Krekels in Valkeberg 2006.

Jan Jozef Alfons Franciscus (Jan) Krekels (Zitterd, 26 augustus 1947) is 'ne veurmalige Nederlandse fitserenner.

Biografie

Krekels waas profwielrenner van 1969 pès 1978. Es amateur waas hae al heel succesvol en wón hae ónger angere ènnige etappes in Olympia’s Ronde, de Ómloup van de Kempe, de Runj van Euverijssel, de Runj van Zuud-Holland en de Runj van Limburg. Ouch es amateur woort hae in 1968 eésjte in ’t eindjklassement van de Österreich Rundfahrt en wón hae tweë etappes in dees runje.

Zien groatste succes es amateur behaolde hae aevel in 1968 op de Olympische Sjpele in Mexico City wo hae same mèt Fedor den Hertog, René Pijnen en Joop Zoetemelk de gouwe medalje wón op de 100 km plogetiedrit. Hae deeg ouch mèt aan de individuele waegwedstried en woort hie-in 11e.

In 1969 woort hae profwielrenner. ’t Succes es amateur koosj hae es prof aevel neet continuere. Ziene meis aansjpraekende oetsjlaag waas ’n tweëde plaatsj in de GP Fourmies. In 1971 wón hae de 19e etappe in de Runj van Frankriek en in 1972 wón hae tweë etappes in de Ruta del Sol en woort hae eësjte in ’t eindjklassement. Dees tweë oetsjlaeg waere in 't algemein gezeen es zien beste prestaties in zien profcarrière.

In 1977 woort hae tweëde bie ’t Nederlands Kampioensjap op de waeg achter Fedor den Hertog en veur Gerrie Knetemann.

Belangriekste euverwinninge

1968

• Olympisch kampioen 100 km plogetiedrit, amateurs (mèt René Pijnen, Fedor den Hertog & Joop Zoetemelk)
• Eindklassement en tweë etappe-euverwinninge in de Runj van Oasteriek
• Runj van Limburg
• Ómloup van de Kempe
• Runj van Euverijssel
• Runj van Zuud-Holland

1970

• 1e in Proloog, plogetiedrit Paries-Nice

1971

• 19e etappe Runj van Frankriek
• 8e etappe Runj van Zjwitserlandj

1972

• 2e etappe Ruta del Sol
• 3e etappe Ruta del Sol
• Eindjklassement Ruta del Sol

Tourdeilnames

• 1971 - 49e; winnaer 19e etappe
• 1972 - 78e
• 1973 - 75e

Ploge

• 1968 - Caballero
• 1969 - Caballero
• 1971 - Goudsmit-Hoff
• 1972 - Goudsmit-Hoff
• 1973 - Canada Dry-Gazelle
• 1974 - Robot-Gazelle
• 1974 - TimOil-Novy
• 1975 - Alsaver-Jeunet-De Gribaldy
• 1976 - De Onderneming
• 1977 - De Onderneming
• 1978 - Jet Star Jeans

Trivia

In de Franse pers woort hae ouch waal Dr. Alfonso geneump.

Brón

• Wikipedia NL