Isabella Eugenie Boyer
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Isabella Eugenie Boyer (17 december 1841 – 12 mei 1904) waor e Fraans model en is gebaore in Paries oet Fraans en Ingelsje owwersj. Isabella trówde mèt Isaac Merritt Singer, d'r sjtichter van the Singer Sewing Machine Co., in New York, in 1863 wie Isaac 52 en Isabella pas 22 waor. Singer waor al 'ns getrówd gewes mèt Mary Ann Sponsler, die 'm evvel besjöldigde van hoeselek gewaeld.
Isabella en d'r Isaac verhuusde nao Oldway Mansion in Paignton, Ingeland. Ze krege twieë maedsjes en veer jónges. Hön name waore Winnaretta, Isabelle, Mortimer, Washington, Paris and Franklin. Va Isaac Singer wert gesjraeve dat-e in totaal 22 children zów ha gehad. Singer sjtórf in 1875. E leet 'n erfenis va 14 miljoeën dollar nao en nao väöl juridische tówtrèkkeriej waoërt Isabella erkaant es z'n wèttige wètvrów en erfde aal.
In 1879 trówde Isabella mèt d'r va Zitterd aafkomstige musikaant Victor Reubsaet, en ze gónge in Paris wónne. Victor waor 'ne internationaal successvólle zenger en violist. E waor in 1843 in Zitterd, es Nicolas Reubsaet, zoon van 'ne eenvoudige sjónsmaeëker gebaore. Pretenderend dat e van adeleke aafkomst waor, claimde e vaalsjelek d'r titel Vicomte d’Estenburgh. In 1881 kroog e evvel d'r titel va Hertog va Camposelice van d'r Italiaanse köning Umberto. Victor Reubsaet sjórf in 1887.
Wie de Isabella nog neet hertrówd waor mèt Paul Sohège (1891) how ze ömgaank mèt d'r beeldhouwer Bartholdi. D'r wert bewaerd dat ze model zów ha gesjtange vör 't gezich van de Statue of Liberty.
Isabella Eugenia Boyer sjórf in 1904 wie ze 62 jaor aod waor.