Iraanse aaval óp Israël in 2024
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
D'n inhawd van dit artikel kan naovenant gauw verangere en kan mesjiens neet gans mie kloppe mit de lèste óntwikkelinge. |
Óp d'r 13e april 2024 lanceerde Iran en diverse pro-Iraanse groeperinge in 't Midde-Oeëste 'ne gecoördineerde drone- en raketaaval óp militair doele in Israel. 't Geet um 'n reaksie óp e bombardement óp 't Iraans consulaat óp d'r 1e april 2024, woebei 16 luuj um 't leëve koame.[1] Wiedoet de mieëtste rakette woeëde óngersjep en kóste neet hun doele rake.
De vergeldingsaavalle woare de ieësjte direkte militair confrontatie tusje bei leng seër 't begin van 't proxy-conflik noa de Iraanse Revolutie va 1978.
Achtergrónk bewirk
Óp d'r ieësjte april 2024 veel Israel 't Iraanse consulaat aan i g'n Syrische hoofsjtad Damascus. Doabei koame 16 luuj óm 't laeve, woe-ónger 'ne hoeggeplaatsde militair van de Quds-bridgade, 'n sjpeciaal eenheed binne 't Iraans leger.[1]
Verloop bewirk
In d'r oavend van d'r 13e april lancere Iran en diverse pro-Iraanse groeperinge in 't Midde-Oeëste, woe-ónger de Houthi's i Jeme en Hezbollah i Libanon, diverse lóchaanvalle op Israël. Bei de aavalle woeëde zieëker mieë es 300 drones en rakette aafgeveurd.[2][3] De mieëtste doava woeëde oet de lóf gehoald durch Israel, de VS,[2] 't VK, Frankriek en Jordanië.[3]