Immendorf (Jellekerke)

Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Jellekerker, es te dit dialek sjpriks.

---

Immendorf is e dörp i de gemingde Jellekerke i 't weste va de Pruusje bóndssjtoat Noardrien-Wesfale. D'r woeëne 1.159 lüj (sjtang: december 2012) i Immendorf. 't Dörp ligk tusje 102 en 108 meter boave zieënivo. Immendorf ligk dirèk aa d'r B56 va Hinsberg noa Jöllig, deë mit innen boeëg um 't dörp vuët. Vreuger veurde d'r B56 dwaasj durch Immenrath, meh dat veruëzaakde geloeds- en sjtankuëverlas. Durch 't dörp lup d'r Immendorfer Fließ deë i richting va 't kót bei geleëge reveerke d'r Worm aafwatert.

Immendorf is e typisj kirkdörp mit 'n kompakte beboewing en de kattelige kirk as middelpunt. I 1278 al sjtóng Immendorf bekank ónger de naam Immindorp. 't Woar toen inne versjtarkte hoes, deë noe nag sjteets besjtieët. Pas va'naaf 1666 weëd 't mit Immendorf aageduud, zoeëwie huutsje daag. 't Dörp vuurmt vuur de kót bei umgeëving ing verzuurgingsfunctie. 't Hauw 'ne ats, 'ne tankats, 'ne bank mit geldautomaat, mieërder dienstverlenende bedrieëve va allerlei eëd en lankboewbedrieëve. 't Dörp is óch kingerrieëk en doadurch guëf 't óch nag 'n lieëger sjoeël, 'ne juugherbirg en 'n kinkerdaagverblieëf.

Kieërtsje va Immendorf.

Haus Immendorf.