Grotenrath

Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Jellekerker, es te dit dialek sjpriks.

---

Grotenrath is e dörp in 't weste va g'ne Dütsjen bondssjtaat Noardrien-Wesfale. D'r woeëne 822 lüj in 't plaatsjke (sjtank: 30-11-2012). 't Dörp ligk t'n zuudweste va g'n sjtad Jellekerke aa d'r L42, d'r weëg va Jellekerke noa Heële. De Roeë Baak sjtruimt um 't dörp hin en hat ing va höar brónne in 't natoergebeed Tevenerer Heide, dat noardwestelig van 't 94 bis 106 meter hoeëg ligkend dörpke ligk. Twieë kilometer direk t'n weste va Grotenrath ligk de grens mit de Nederlandse provincie Limburg.

Grotenrath getoeënd op 'n ouw kaat

De Roeë Baak of Rodebach

Gesjichde en kultoer

Grotenrath hoeëte i de sjpieër middelieëwe tót 't Hertogdóm Jöllig. D'r naam kunt va Grotenrode, dös 'n groeëte roeëjing in 'n busj- en heigebeed. I d'r nuëgetieënden ieëw woeëd de plaatsj Grotenrath bei de gemingde Teveren geveug, oeë noa zie in 1972 wieër tót de gemingde Jellekerke woeëd igedeeld.

D'r naam Grotenrath, verraad Nederfrankische, dös Limburgse, ivluëj. In 't gebeed weëd, zoeëwie i de plaatsj i g'n umgeëving, e Limburgs dialek gekald. Noe kalle vuural de ouw lüj 't oersjprunkelig Nederdütsj dialek. De lokaal juug kalt mieë e Kölsj regiolek dat zich sjterk neig noa 't Ripuarisch, dat sjteeds mieë ivlód krieët in 't Dütsj Rienland. De mieë recente immigratie va (junger) Limburgesj i g'n sjtreek doa teënge-uëver, zörg vuur 'n herupleëving va de Limburgse sjproak in dit gebeed. Dön sjproak kunt good uëveree mit 't lokaal plat, weil de geïmmigreerde lüj mieëtstes direk vanoet de plaatsj aa g'ne Limburgse ziej va g'n grens kómme.

Brónne

Dit attikel baseert zich op 't corresponderend Dütsj attikel.