Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Ieëles, es te dit dialek sjpriks.

Ieële (Nederlands Elen) is e dörp in Belsj Limburg en 'n deilgemeinte vaan Dilse-Stokkem. 't Ligk gans in 't noorde vaan die deilgemeinte, zjus zuielek vaan Mezeik. Ieële had in 2008 2.321 inwoeners; de deilgemeinte heet 'n oppervlaakde vaan 10,04 km².

Ligking vaan Ieële binne de gemeinte Dilse-Stokkem.
De Sint-Pieterskèrk in Ieële.

AonzienBewirk

Ieële ligk kortbij de Maos. Zuielek vaan 't dörp ligke get grindpeul.

De dörpskèrk heet middeliewse en zeventiende-iewse deile, meh 't groetste deil stamp oet de negentienden iew. 't Froont vaan de kèrk is neoclassicistisch, de kèrk zelf gooddeils neogotisch. In Ieële steit ouch De Hoop, 'n Hollands aondoende stèllingmeule. Wijer gief 't get monumentaol boerehäöf, boe oonder de carréhoof Het Lemke (sic).

HistorieBewirk

Oondaanks zien oonzeker ligking in euverstruimingsgebeed woort Ieële al in de stein- en broonstied bewoend.

't Domein Ieële kaom in de negenden iew aon de abdij vaan Corbie (Fraankriek). De naom Ieële duik in 1150 veur 't iers op, en wel es Hellini. In 1179 tröf me Jelne aon en in 1229 is 't Heelne. Daonao weurt de naome zoonder H- normaal. Ieële bleef tot 1558 oonder Corbie rissortere. Daonao waor 't achterein bezit vaan de hiere vaan Bóggetj (Bochtelt; tot 1612), de prinsbisjop vaan Luik (tot 1714) en 't geslach van der Marck.

Vaanajds veel ouch 't gehöch Vèsserswaert oonder Ieële. Pas in 1839, wie de Maos de grens tösse Belsj en Nederlands Limbörg góng vörme, kaom 't bij Roostere (aon de Nederlandse kant).

In 1970 kaom Ieële, same mèt Lanker, Roeëtem en Stokkem, bij de gemeinte Dilse, die in 1987 tot Dilse-Stokkem woort umgeduip.

BronBewirk

In de categorie Elen van Wikimedia Commons zeen media gerelateerd aan dit óngerwerp te vènje

Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in dees versie.

 
Gemeinte Dilse-Stokkem
 
Deilgemeintes, dörper en gehuchte: Dilse · Lanker · Ieële · Roeëtem · Stokkem
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ieële&oldid=451378"