Handicap

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

Lèt good op 't veurbehawd bie medische informatie.
Gank bie gezóndjheidsklachte nao 'nen hoesdokter.

'n Handicap is 'n bepirking die is aangebaore of door 'n krenkheid of óngeval is opgeloupe die oetveuring van hanjelinge of opdrachte die normaal zint verhinjertj of verlestig.

In de hölpverlièning veur luuj mit 'n functiebepirking is 'n handicap 'n naodeilige positie van 'ne persoan es gevolg van 'n stuèrnis of 'n functiebepirking die de normaal rólvervölling van de betróchte (gezeen laeftied, geslech en sociaal-culturelen achtergróndj) begrens of verhinjertj.

Meistes sleit de invölling van "handicap" allein op de groate klassieke indeiling, namelik dees van verstenjelik, fysiek, visueel, auditief en psysisch. Sómtieds sleit de invölling ouch op luuj mit 'n chronische krankheid.

Luuj mit 'n handicap kónne sómtieds perbleme höbbe e normaal laeve te leie. Mit 't waord "normaal" wuèrtj hie gemèndj det me zónger groate perbleme liefelik, geistelik en emotioneel kan functionere en daobie neet aafhenkelik te zeen van anger luuj.

'n Handicap kan zowaal liefelik es geistelik zeen en is neet ummer drek zichbaar veur de boetewaereld.

Inkel veurbiljer van handicaps zint dyslexie, blindjheid, doufheid, ADHD, autisme, dwaesjlaesie, verlaampheid, PDD-NOS en epilepsie.