Ho Chi Minh
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Ho Chi Minh (Viëtnamees: Hồ Chí Minh; Nghệ An, 19 mei 1890 - Hanoi, 2 september 1969), gebaoren es Nguyễn Sinh Cung en ouch bekandj es Nguyễn Tất Thành en Nguyễn Ái Quốc, waas 'ne Viëtnamese communistische rivveluusjeleier. Hae haet 't Democratisch Rippebliek van Viëtnaam gelèdj es premier (1945-1955) en es prizzendènt (1945-1969). Hae speeldje 'n houfrol bieje stifting van det rippebliek in 1945, esouch bieje stifting van 't Voukslaeger van Viëtnam (PAVN) enne Vietcong inne Viëtnamkrieg.
Hae lèdje vanaaf 1941 de ónaafhenkelikheidsbewaeging Vietminh, stifdje 't communistisch Viëtnamees rippebliek in 1945 en versloog Frankriek in 1954 bieje Slag van Điện Biên Phủ. Hae droog zien mach in 1955 euver veur gezóndjheidsperbleme, meh bleef toet zienen doead e zichbaar boogbeeldj en brón van inspiraasje veure Viëtnameze die veur e vereinig, communistisch Viëtnam vochte. Nao de krieg woort Saigon, de houfstad van Zuud-Viëtnam, verneump nao dem es Ho Chi Minhstad.
De naam Ho Chi Minh is later aangenómmen en mèntj hae dae verleech.