G20
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Gróp vaan 20 (G20, Ingels: Group of Twenty) is 'ne gróp bestaonentere oet 19 len én de Europese Unie (EU) die es buut heet e polletiek forum te zien veur samewèrking en beraod mèt betrèkking tot 't internationaal financiëel systeem. De G20 lieket daomèt väöl op de G7, boe de EU ouch deil vaan oetmaak.
Gezamelek besloon de G20-leje vaan de G20 zoe'n 90% vaan 't wereldwied bruto nationaal produk, zoe'n 80% vaan de wereldhandel (inclusief handel binne de EU) en twiedaarde vaan de wereldbevolking.
Historie
bewirkIn 1999 woort veur d'n ierste kier gesproke euver 'ne meugeleke G20 tijes de topconferentie vaan de G7 in Kölle. 't Goof 'n ierste vergaojering vaan de G20 op 15 en 16 december in Berlien.
Samestèlling
bewirkHei volg 'n lies vaan de G20-lede: * Argentinië
- Australië
- Brazilië
- Canada
- China
- Duitsland
- Europese Unie
- Fraankriek
- India
- Indonesië
- Italië
- Japan
- Mexico
- Rösland
- Saoedi-Arabië
- Törkije
- 't Vereineg Keuninkriek
- de Vereinegde Staote
- Zuud-Afrika
- Zuud-Korea
De logica vaan dees samestèlling steit neet in lijn mèt de officieel raison d'être vaan de G20. Zoe stilt de Gróp zelf tot heer de 20 wereldikkenemieë vertegeweurdeg die de "groetse, belaangriekse en invloojriekse wereldwied" zien. Dit is evels neet 't geval: zoe zien Spanje (de 14e ikkenemie), Nederland (18e), Zweitserland (19e) en Belsj (26e) neet direk vertegeweurdeg (al zien, op Zweitserland nao, al dees len wil indirek via de EU vertegeweurdeg), wijl Saoedi-Arabië (20e ikkenemie), Argentinië (21e) en Zuid-Afrika (33e) wél lid vaan de gróp.
De wirkeleke logica vaan de G20 is es volg: de len vaan de originele G8 (dat wil zègke, de G7 plus Rösland), de EU en de aandere groetste ikkenemieë die noch lid zien van de aw G8, noch lid zien vaan de EU.
Toch geit ouch hei de formule neet gans op: Zweitserland, Noorwege en Taiwan zien ouch neet lid vaan de G20 (ouch neet indirek via de EU, want 't zien gein EU-lidstaote). Dit tot groet protes vaan Noorwege. De aofwezegheid vaan dees drei len kin mesjiens weure oetgelach op basis vaan polletieke reies: Zweitserland en Noorwege behure bis de Europese Ikkenomische Ruimte, boe de EU stèlt de hoofzakeleke polletieke vertegeweurdeging te höbbe, en Taiwan weurt neet erkènd door China ('t lèste land is e belaangriek lid vaan de G20).
Limbörgers zien indirek of direk vertegeweurdeg door de G20, aofhenkelek euver welk land me sprik. Belsj en Nederland zien indirek vertegeweurdeg via de EU en mage routerend ouch deil oetmake vaan de bijeinkomste. Duitsland is ummertouw deil vaan de G20-bijeinkomste.