Golf va Mexico

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

Keëtje van d'r Golf va Mexico, mit inkel wichtige sjteë aa g'n kus van de VS

De Golf va Mexico (Ingelsj: Gulf of Mexico, Sjpaans: Golfo de México) is 'n zieë i Noard-Amerika die begrens weëd durch de leng Verenigde Sjtate (de sjtate Texas, Louisiana, Mississippi, Alabama en Florida), Cuba en Mexico (de sjtate Yucatán, Tabasco, Campeche, Veracruz en Tamaulipas). Via de Sjtroat van Yucatán is de Golf va Mexico verbónge mit de Caribische Zieë en via de Sjtroat va Florida mit d'r Atlantische Oceaan. 't Zudelig deel heesjt ooch waal d'r Golf va Campeche. Same mit de Caribische Zieë vörmt de Golf va Mexico de Amerikaanse Middelzieë. 't Deepste punt ligk um en noabei 4.384 meter. 't Oppervlak bedruueg 1.550.000 km² en 't volume is 2.500.000 km³.

De zieë hat 'n ovaal vorm en is rizzeltaat va plaattektoniek van 300 mieljoeën joar geleie. D'r Golf va Mexico is óntsjtange noa 't late Trias en d'r boam va g'n zieë besjteet oet sedimente. Ze weëd gevoed mit 't water va de revere d'r Mississippi en d'r Rio Grande.

Durch 't werm zieëwater numme orkane hei döks in krach touw, mieëtstes tusje juni en december. Regelmieësig weëde golfsjtate wie Louisiana hel getroffe durch dit natuurgeweld. Zoeë hant orkaan Katrina in 2005 en Harvey in 2017 tot vöal sja en sjlachoffesj geleid.