De Seel

Wèlkom oppe Limburgse Wikipedia! Danke veur dien konterbusie biej HEARD! (V'r kint elkaar al, maar det höbse mesjiens neet door :)) --owtb451etc 29 okt 2007 19:16 (CET)

Laes Euverlèk:HEARD ef, 't is mesjiens neet netraol genóg en dit blief toch 'n encyclopedia. P.S. ich bön 't breurke van Geert :) --owtb451etc 29 okt 2007 19:30 (CET)

Daag! Det toch mich alle, des doe det waas. Ich loos al zoeaget oppe site van Fever ;)... Ich gaon de teks geliek nans bekieke en eventueel aanpasse!

Is good. En veurtaan kinse berichter op zogenaamdje 'euverlèkpazjena's' mit 4 krönkelkes/tildes (~~~~) óngerteikene, dan kriegse diene gebroekersnaam en de datum en tiejd achter dien berich te zeen. Dan weit v'r ouch wae waat gezag haet en wienee: --owtb451etc 29 okt 2007 19:37 (CET)

Ouch al 't meiboumzaege enne AJM! :) ich höb nog oppe AJM gezaete. --owtb451etc 30 okt 2007 19:31 (CET)

Gojenaovendj! :) Jao, en ouch De Boekoêl en Zjwaams! :P

Vergaet ich 't weer -> Ed vanne Seel 30 okt 2007 19:34 (CET)

Ich zee det 't al aardig wil lùkke! --owtb451etc 30 okt 2007 19:36 (CET)

Gojemiddig/-aovendj (afhankelik van 't tiedstip wo-op se dit leus). Ich waas gisteraovendj weer hel mit ein artikel bezig, euver Paalder. Ich höb ouch oppe AJM gezaete. Ich zoog bie uch oppe WC lès ein kunswèrkske staon det ich onnag èns höb gemaak... ich kin mich allein neet herinnere op welken aovendj det waas. Mer waal des se nao aafloup slók kós koupe. Ich kin neet väöl vinje euvere AJM op 't net. Doon die nag waal idder waek get óngere kèrk? Ed vanne Seel 31 okt 2007 16:47 (CET)

Det is de morge :) Volges mien moder daon ze nog sjteeds dees dinger ongere kèrk. --owtb451etc (pauze) (haet génne zien om door te discussiëre euver botgebroek) 1 nov 2007 07:21 (CET)

Gojendaag! Doe bös ouch 'ne vreuge vogel zik... ;) Ich kiek noe bienao dagelijks waal in 'd'n Dieke van Bakkes'... Ich huuerdje des doe 't dich ouch ein bestèldj höbs? 't Is ech e sjoean bookwèrk! Ich höb 't mich laote signere wobie hae e kort stökske euver mienen opa sjreef. Prachtig! :D Ed vanne Seel 1 nov 2007 10:55 (CET)

De Dieke Bakkes (de sjriever vanne Van Dale hoot mr Van Dale) is inderdaad sjoon, mèr d'r ontbraeke toch flink gét wäörd, wie aafbranje, aafroetsje, ulezeiver. Mit alle respek veur zien jaore wèrk, mèr doe kins dudelik zeen det d'r de lètste jaor Mofert neet meer es heim haj... --owtb451etc (pauze) (bots zeen good) 1 nov 2007 16:01 (CET)

Det se kóns zeen, det dae miens al lang neet mieë in Mofert woont, dao bön ich `t neet mit ins. `t Is inderdaad waal waor, det sommige wäörd neet d'rin staon. Meneer van Dale haet oeats gezag, det `t sjrieve van `n waordebook de ergste straof is waat se-n emes aan kóns doon.Pater 5 mrt 2009 11:14 (CET)

Daag... Jeh, noe se 't zaes, die wèrkwäörd staon inderdaad neet in 't book. Volges mich waas zien criterium veur opname in 't waordebook ouch, det 't waord ein anger beteikenis mos höbbe es de wäörd wo-oet 't is samegestèldj. Daobie bepaoltj de sjriever zelf toch altied waat dao waal of neet onger vèltj. Meh ich zów mich kónne veurstèlle det neet ederein 't dao mit ins is det 'moereflaaj' waal, en 'ulezeiver' neet is opgenómme. :) Ed vanne Seel 1 nov 2007 19:00 (CET)

Dan wörd 't 'ns tiejd det v'r same 'n verbaeterde versie op zitte mit meer wäörd :) Ich bön al bezig: wikt:Wiktionair:Veurblaad. En det 't gét anges mot beteikene is neet zo, väöl wäörd wie aafspraeke etc. staon d'rs ouch in. --owtb451etc (pauze) (vindj det hae ouch rech van spraeke haet) 1 nov 2007 19:33 (CET)

Mesjiens mos se-n `ns kóntak opnaeme mit die stichting. Die höbbe `t ganse waordebook in `nen database staon. Liek mich neet zónnen heksentoer óm daen database online te zètte en aan te völle. Ich höb oet betroewbare bron gehuuerd, det ze die stichting mesjiens willen opdoeke, ómdet in die beuk geinen hanjel mieë zit. `nen Online Dieke van Bakkes is de ideale meneer óm det waordebook en die stichting weer nuuj laeven in te blaoze. Helaas ontbrik mich d'n tied óm dao zelf actief mit bezig te zeen.Pater 5 mrt 2009 11:20 (CET)

Det is nag neet zón gek idee Pater! :) Ich loup al langer mit van die ideeë róndj mer 't is nag nörges van gekómme. 't Ènsigste ganse waordebook det ich kin des se on-line kins doorzeuke, is det van Zwame (al moog de papiere versie d'r ouch hieël zeker zeen). 't Is ouch waal 'ne logische volgendje stap nao de oetgaaf van d'n Dieke en 't Mofers Dictee... Ich kiek al oet nao de twieëëntwintjigste (<- hie 'n waord wo ich zelf neet zeker van bön)! --Ed vanne Seel 5 mrt 2009 17:28 (CET)

Online zètte kós tied mer velt te doon. Mer netuurlik mós se waal toestömming van de stichting höbbe! --OosWesThoesBes 6 mrt 2009 08:29 (CET)

IPA

Gojendaag! Nao 'ne tied van zwiege nag mer èns get Wikië... Ich höb mich gisteraovendj 'ns in 't Internationaal Fonetisch Sjrif (IPA) verdeeptj. Det höb ich vreuger waal èns gezeen in waordebeuk, mer ich wól noe waal 'ns weite wie 't 'versjet inne steel zoot'. Erg leuk en interessant sjrif, allein vraog ich mich ein dink aaf! Of 't daomit ouch meugelik is om sleiptoean en stoeattoean aan te gaeve. 't Besteit es ich 't good höb al sins ±1886, dus ich kan mich veurstille det 't waal get van toeantale mot kinne besjrieve (zoeawie ouch 't Mandarijns). Ed vanne Seel 15 jan 2008 11:54 (CET)

Sleip- stoottoean waere neet aangegaeve in IPA. Kiek 'ns inne Dieke Bakkes. Dao wuuertj stoottoean es 'n \ aangegaeve (hoe\s) en sleiptoean es 'n ~ (hoe~s) --OosWesThoesBes 15 jan 2008 17:12 (CET)

't Kèn trówwes waal, mer den wuuertj 't alikzins lestig :) 'n Èch perbleem van 't Limburgs is kindj, de n is namelik mieë 'n n, mer ouch neet 'n echte nj. Dus kɪɲc sjrief men neet in IPA. Det vinj ich nans opzeukwaerdig. --OosWesThoesBes 29 jun 2008 13:20 (CEST)

Gojendaag, ich zeen dien reactie noe pas... ich haw lès dien artikel nag gelaeze euver de datief, ich mót zègke, tamelik interessant. En in 't Mofers dus. :) Haopelik doon d'rs volgendj jaor ouch mieë jóng men mit aan 't dictee! ;)

Good óm te weite det 't toch zów mótte kinne mit IPA, wie lestig dan ouch... wèts se dus ouch wie? :P (want noe bön ich waal benuudj!)

Die -ndj is inderdaad 'n apaarte situatie. Ich mèndje ummer det det 't 'n -njtj waas (vergeliek vrunj-vrundj). Mer ich gluif det d'r 'n regelke is det veursjrief det die extra j dao neet huuertj, en det die ummer op 't inj kump (in sjrieftaal). Mer 't geuf allich ouch wäörd mit 'n döbbel j: gewejdj, ich mejdjen 't graas, etc...

Ich maak 't nag get later :) (waar op verkansie gewaes)

Nao get speurwèrk höb ich 't trökgevónje op mien óngeordende hel sjief. Euver 't algemein zaet men det 't Limburgs twieë toeane kintj, dit is neet gans krèk want men vergèt de 3e toean, de neutrale toean, meistal (kömp veur in ónbeklemtoeandje lettergrepe en wuuertj meistal eweggelaote) De stoeattoean haet 't teike '˦', de sleiptoean '˨' en de neutrale toean '˦˨'. Veurbeildj: dae miens löp euver straot zów in IPA (international phonetic alphabet) zeen: /d˨æ mi˦ns lʏ̃˦p ˈø˨vər strɔ̃˦t/. Blie det 't veldeke de spelling haet oetgevónje want es ich toch ummer mit IPA Limburgs zów mótte sjrieve zów ich mich mer es analfabeet aangaeve bie de volgendje volkstelling :)

De 'njdj/njtj' is inderdaad get vraemps. Normaal gespraoke wuuertj 't es 'n allofoon gezeen. Nag efkes 'n riejke d'rbie: 'kindj' /kɪ˨nc/; 'bandj' /bɑ˨nc/. 'kinjer' /ˈkɪ˦ɲəʁ/; 'benj' /bɛ˦ɲ/. Bie mieëvawd besjouwdj men 't waal 'n anger klank, ómdet de klank den spraakverwarring zów kinne levere. Es se in plaats van 'kinjdj' 'kindj' zóws zègke wit ederein gemekkelik waats se meins, mer esse 'kinner' in plaats van 'kinjer' zaes, zówwe luuj kinne dinke det se-n euver de kin aan diene kop kals. Sommige luuj sjrieve óndanks de nutteloeasheid ouch allofone op en soms mit 'n apaart teike, meistal (in 't geval van de n) 'n /ñ/ of gweun 'n /ɲ/.

--OosWesThoesBes 27 jul 2008 10:26 (CEST)

Aofte en Äösdje

Veltj t'r get mieë euver te zègke? Noe zeen ze d'rs 'n bietje oet wie waordebookdiffenisies en die mótte eigelik nao de Wiktionary gaon :) --OosWesThoesBes 16 nov 2008 16:41 (CET)

Daag wie-'t-klökske-heim-tik-tik-'t-nörges (meh dan anges)! Hmm... dao höbs se-n inderdaad e puntj! Ich weit d'r op 't moment wiejer nieks zinnigs bie te zitte. Wiktionary... dao höb ich nag nieks mit gedaon. Mesjiens mót ich mich ouch mer 'ns dao-aan begaeve! Meh van mich moogs se-n 't waal euverzitte! --Ed vanne Seel 16 nov 2008 19:27 (CET)

Ich wach d'r waal efkes mit ;) --OosWesThoesBes 1 dec 2008 17:08 (CET)

Foto's GFDL

Hoi. Doe höbs 2 foto's upgeload meh vergete 't sjabloon GFDL debie te zètte.--Aelske 17 aug 2009 20:32 (CEST)

Danke veur eur oplèttendjheid! Ich haw nag noeats foto's geuploadj, ich zal 't ónthaje. --Ed vanne Seel 17 aug 2009 20:56 (CEST)

Proficiat

Gefeliciteerd mèt d'r örsjte pries Groeët Limburgs Dictee. Top!--Mergelsberg 17 sep 2009 22:04 (CEST)

Inderdaad, gefeliciteerdj! :) --OosWesThoesBes 18 sep 2009 06:51 (CEST)

Danke! :D --Ed vanne Seel 18 sep 2009 09:32 (CEST)--83.247.14.178 18 sep 2009 09:32 (CEST)

Proficiat!--Aelske 18 sep 2009 11:29 (CEST)

Ouch vaan miech perficia! - Pahles 18 sep 2009 11:32 (CEST)

Merci veur de felicitaties allemaol! --Ed vanne Seel 19 sep 2009 17:36 (CEST)

Lemma Eddy Zeelen

Ich han 'n lemma aangemakd över dich. Is d'r nog mieë te zage?--Mergelsberg 19 sep 2009 18:20 (CEST)

Sjoean zèk, ich veul mich verieërdj! :) Mesjiens nag neumenswaerdig is 't winne van de ieëste 2 Moferse Dictees (veurjaor 2008 en 2009). Daobie bön ich de kleinzoon van Baerke. --Ed vanne Seel 19 sep 2009 19:49 (CEST)