Euverlèk:Familie
Laatste reactie: 12 jaar geleden door Ooswesthoesbes
Geplek vaanoet Euverlèk gebroeker:Ooswesthoesbes
[Familie] steit gewoen es femilie in de Nuie Mestreechsen Dictionair en es femielie (!) in d'n AGL-dictionair. Is dao 'n aander woord veur daan? Steinbach (euverlègk) 13 mrt 2012 18:30 (CET)
- Ich zit ieëder te dinke det nemes de vorm "familie" gebroek. Of inderdaad "femielie" (die "ie" sleit drop det me /fə'mi:li:/ zaet en neet /fə'mili:/ of "femielje" /fə'mi:ljə/. "femilie" /fə'mili:/ huuers se-n ouch jao en es de NMD 't es femilie (wie 't ouch wuuertj oetgespraoke) liek 't mich euverdreven óm 't es /fa'mili:/ te sjrieven wie nemes 't oetsprèk. --OosWesThoesBes (euverlègk) 14 mrt 2012 10:00 (CET)
- Woordebeuk gebruke meuver 't algemein väöl ouwer versies van weurd (um ze te beware), die allewiel door de meiste luuj andersj were oetgesjproke. Iech huèr 't groatste deil van de luuj in mien umgeving FAMILIE zègke, 'n klein aantal zaet nog: femiele en dan ie haet dan sjleiptoan. Familie ies dus oetgegreujd tot 'n dialekwoord wat neet miè versjild van 't Nederlands--Aelske (euverlègk) 14 mrt 2012 10:16 (CET)
- Bèn 't èns mèt Aelske ooch al neum 'ch dat versjiensel neet oetgreuje mae nivellering. Allebèj de terme make inins ooch dudelek dat d'r e versjil in maatsjappeleke sjtatus besjteet tösje 't Plat en 't NL, allèng bie oetgreuje wert d'r sjtatus van 't Plat oonder dae van 't NL gezat; bie 't hantere van d'r term nivellering besjrieft me 't fenomeen dat 't Plat zich in de richting van 't NL bewaegt. Mich teunks dat d'r lètste term ieëder paast bie de taalkundige realiteet; oetgreuje is ieëder politiek geïnspireerd.--Mergelsberg (euverlègk) 14 mrt 2012 10:48 (CET)
- Familie höb ich nag noeat gehuuerdj bie modertaalspraekers. Weer zeen 'n Limburgse encyclopedie en den maags se verwachte det in eder geval de paginatitels in 'n vorm staon die ouch Limburgs is. Anges haet 't miens inzeens totaal gei nöt óm dees encyclopedie te make. Wiezoea zówtj g'r anges nag grammaticaal verbaeteringe oetveure? De meiste Limburgers gebroeke taengewuuerdig de umlaut in de 3e persoean inkelvawd neet en det gèldj ouch veur verbaoge vörm wie "de aaj(e) stad". --OosWesThoesBes (euverlègk) 14 mrt 2012 20:08 (CET)
- Bèn 't èns mèt Aelske ooch al neum 'ch dat versjiensel neet oetgreuje mae nivellering. Allebèj de terme make inins ooch dudelek dat d'r e versjil in maatsjappeleke sjtatus besjteet tösje 't Plat en 't NL, allèng bie oetgreuje wert d'r sjtatus van 't Plat oonder dae van 't NL gezat; bie 't hantere van d'r term nivellering besjrieft me 't fenomeen dat 't Plat zich in de richting van 't NL bewaegt. Mich teunks dat d'r lètste term ieëder paast bie de taalkundige realiteet; oetgreuje is ieëder politiek geïnspireerd.--Mergelsberg (euverlègk) 14 mrt 2012 10:48 (CET)
- Grammatica ies gans get andersj es weurd. Es aan grammatica geinen aandach weurt gesjonke, geit idd. 't specifieke van de taal verlore--Aelske (euverlègk) 14 mrt 2012 23:14 (CET)
- G'r bewaertj noe dus eigelik det wäörd neet specifiek toet 'n taal behuuere (en det grammatica ónverangerlik is, meh waordesjat neet). Ich weit det weer recèntelik nag "Ei (voojing)" nao "Ei (aete)" höbbe verplaats. Mótte v'r detden neet ouch óngedaon make? --OosWesThoesBes (euverlègk) 15 mrt 2012 07:56 (CET)
- Hei verdrejste Aelske d'r wäörd. Nörges steit tot typische dialekwäörd neet hove weure gebruuk. Grammair is e väöl fundamenteelder oonderdeil vaan 'n taol es vocabulair, dat zeet ze, en dat is ouch. Vocabulair pas ziech door de iewe heer aon aon versjèllende trends, wäörd weure gemekelek geliend en aongepas. 250 jaor geleie maakde me ziech in Mestreech zörg euver lui die hun taol verkwanselde door Franse wäörd te goon gebruke. Allewijl biste geine goje Mestreechteneer este die Franse lienwäörd neet gebruuks! Zoe geit dat. En daobij: e väöl gebruuk woord wie femiel(i)e verandert neet zoemer door invlood vaan 't Nederlands. 'n Rei veur 't goon zègke vaan familie (mèt huurbaar a en stoettoen) kin zien tot me door beter en meer oonderwies noe inzuut tot 't e Latiens lienwoord is, en tot me femie.le noe es 'n verbastering zuut. Wètste, roond 1900 zagte ze in Holland schrimpeljeus es ze scrupuleus meinde! Entans, de oonderklas zag dat. Tot dat woord noe is verdwene zuut geine es e teike vaan slech Nederlands; schrimpeljeus klink gewoen harstikke fout este e bitteke sjaol höbs gehad. Zoe wèrk dat allezeleve veur femiele ouch, dus bis liever e bitteke veurziechteg mèt dien conclusies.
- Wat de res vaan de discussie betröf bin iech trouwes wel veur verplaotse vaan dit artikel. Steinbach (euverlègk) 15 mrt 2012 10:39 (CET)
- 't Is neet persuuenlik bedoeldj, mer ich vinj det 'nen erg naieve gedechdjegank. 't Model wodet geer van oetgaont is oet eind 18e, begin 19e ieëf... In daen tied wore dörper väöl geïsoleerdjer es noe. Taengewuuerdig is t'r gein sprake mieë van mieëder richtinge. In 't aad model góng 't idd zoea det d'r invleuj ware vanoet versjèllendje tale en dao-oet bleef 't Limburgs zich óntwikkele. Ich bön van 'n jónger generatie es uch en ich weit wie de jóngere noe plat spraeken en ich kin uch verzekere det nag mer 'n hieël miniem mènderheid de Limburgse grammair behieërs (zeker op havo en vwo). Kinjer kriege vanaaf häör vreug jaore gelieërdj det "'t oud veld" fout is en trèkke det door nao 't plat. 't Zèlfdje gèltj ouch veur wäörd wie "wie" (doe mós "hoe" zègken is mich ummer gelieërdj) en "lank" (wuuertj vervange door "lang", 't is netuurlik meh e klein bietje muidje óm 't "fetsuuendelik" ABN oet te spraeke). Ich vinj det weer es wikipedia ouch 'n veurbeildjfunctie höbbe: luuj mótten hie kinne zeen waat ech plat is en wie se-n 't sjriefs en det gèltj ouch veur de wäörd. Wäörd behuuere toet 't èrfgood van 'n taal en wie 't noe geit zów ich neet verrasj zeen es 't Limburgs euver 100 toet 200 jaor neet väöl mieër es 'n saort accent wuuertj. --OosWesThoesBes (euverlègk) 15 mrt 2012 19:25 (CET)
- De vergelieks eppel mèt pere. Wie is gein verbastering vaan hoe. Steinbach (euverlègk) 15 mrt 2012 19:45 (CET)
- De höbs woersjijnelek nog 'n aander punt gemis. 'ne Limbörger, wie slech/beïnvleujd door 't Nederlands heer ouch sprik, zal neet gaw 'ne sleiptoen opgeve oonder drök vaan 't AN. Heer sprik die sleiptoene zelf in zie Nederlands nog oet! Of kinstiech lui die tied of hoes mèt stoettoen oetspreke? Es e woord wie femilie ziene sleiptoen verluis, is dat dus neet te verklaore oet 'Hollandsen' drök allein. Steinbach (euverlègk) 15 mrt 2012 19:49 (CET)
- Volges mich verdrejje weer van einanger de wäörd. Ich höb neet gezag det "wie" in verbastering van "hoe" is. Ich höb allein gezag det kinjer oppe basissjoeal gelieërdj kriege det "wie" fout is en det me "hoe" mót zègke. Ich dink det v'r van 't oetènjelik doel vanne discussie aafdwaole, dus weer kinnen 't meh baeter laote. --OosWesThoesBes (euverlègk) 17 mrt 2012 10:57 (CET)
- 't Is neet persuuenlik bedoeldj, mer ich vinj det 'nen erg naieve gedechdjegank. 't Model wodet geer van oetgaont is oet eind 18e, begin 19e ieëf... In daen tied wore dörper väöl geïsoleerdjer es noe. Taengewuuerdig is t'r gein sprake mieë van mieëder richtinge. In 't aad model góng 't idd zoea det d'r invleuj ware vanoet versjèllendje tale en dao-oet bleef 't Limburgs zich óntwikkele. Ich bön van 'n jónger generatie es uch en ich weit wie de jóngere noe plat spraeken en ich kin uch verzekere det nag mer 'n hieël miniem mènderheid de Limburgse grammair behieërs (zeker op havo en vwo). Kinjer kriege vanaaf häör vreug jaore gelieërdj det "'t oud veld" fout is en trèkke det door nao 't plat. 't Zèlfdje gèltj ouch veur wäörd wie "wie" (doe mós "hoe" zègken is mich ummer gelieërdj) en "lank" (wuuertj vervange door "lang", 't is netuurlik meh e klein bietje muidje óm 't "fetsuuendelik" ABN oet te spraeke). Ich vinj det weer es wikipedia ouch 'n veurbeildjfunctie höbbe: luuj mótten hie kinne zeen waat ech plat is en wie se-n 't sjriefs en det gèltj ouch veur de wäörd. Wäörd behuuere toet 't èrfgood van 'n taal en wie 't noe geit zów ich neet verrasj zeen es 't Limburgs euver 100 toet 200 jaor neet väöl mieër es 'n saort accent wuuertj. --OosWesThoesBes (euverlègk) 15 mrt 2012 19:25 (CET)
- G'r bewaertj noe dus eigelik det wäörd neet specifiek toet 'n taal behuuere (en det grammatica ónverangerlik is, meh waordesjat neet). Ich weit det weer recèntelik nag "Ei (voojing)" nao "Ei (aete)" höbbe verplaats. Mótte v'r detden neet ouch óngedaon make? --OosWesThoesBes (euverlègk) 15 mrt 2012 07:56 (CET)