Äöpen houfmenu

Dit artikel is gesjreve (of begós) in 't Egelzer. Laes hie wie v'r mit de versjillende saorte Limburgs ómgaon.


Egelze (Eygelshoven)
Gewaeze gemeinte in Nederlandj

Flag of Eygelshoven.svg

Eygelshoven wapen.svg

{{{locatie}}}

Gevörmp ónbekaand
Opgehaeve 1982
Opgegange in Kirkroa
Provincie Nederlands Limburg
Hoofplaats Egelze
Opperflaakde (bie opluffing) 3,32[1] km²
– daovan water: ? km²
Inwoeners (kort veur opluffing) 5.780 (1971)
deechde: 1.741/km²
Lies van börgemeisters

Egelze (Nederlands Eygelshoven) is e dörp in de geminde Kirkroa in Zuid Limburg. Bis 1982 woar Egelze ing ege geminde. E deel góng doe noa Lankgraaf. ‘t Dörp grenst an Dütsjland en hat mieë wie 6000 inwoeëners.

PlatBewirk

't Plat van Egelze is gans angesj wie dat va Kirkroa. Egelze likt nog graad noordwestlich van de Benrather Linie en 't Egelzer huuert doamit bij de Limburgse dialekte, dewiel 't Kirköadsj bij de Ripuarische dialekte huuert. D'r is óch e Wöädbook van 't Egelzer plat.[2]

Egelze hat, wie Kirkroa zelf, e plaatsjnaambord in 't plat.

GesjiechteBewirk

Egelze sjtamt waarsjienlich oét de Romeinse tied. Me hat ónger angere e grafveld gevónge oét de 2e ieëw.

MijnbouwBewirk

Egelze hauw tswei koele: de Julia (1923, gesjloate i 1974) en de Laura (1900-1970). Lang doaveur al goof 't in Egelze inne ope törf- en broenkolekoel, d'r Hootskoel.

Historische inweunertsaleBewirk

I gen volkstèllinge is duudlich te zeen wie Egelze bis 1900 vuural ing agrarisch dörp woar, es dan durch de eupening van de Laura en sjpieëder de Julia gans sjnel wakst.

Joar Tsaal Waas (gans Limburg)
1830 445[3] --
1840 452[4] +1,6% (+5,6%)
1849 455[5] +0,7% (+4,3%)
1859 503[6] +10,5% (+4,4%)
1869 408[7] -18,9% (+4,5%)
1879 454[8] +11,3% (+7,0%)
1889 485[9] +6,8% (+6,8%)
1899 563[10] +16,1% (+10,2%)
Joar Tsaal Waas (gans Limburg)
1909 1.213[11] +115,5% (+17,8%)
1920 2.509[12] +106,8% (+32,6%)
1930 3.919[13] +56,2% (+25,1%)
1947 4.499[14] +14,8% (+24,2%)
1956 5.873[15] +30,5% (+27,3%)
1960 5.980[16] +1,8% (+7,4%)
1971 5.780[1] -3,3% (+13,9%)
Bemerking
  • I 1971 zint de tsale op ganse viefvoude aafgerund.
Rillatief óntwikkeling van 1830 bis 1971

(logaritmische sjoal; x1830=100)

 

Grun: Gemingde Egelze
Blow: Provincie Limburg

WaopeBewirk


De volgende sectie van dit artikel is gesjreve in 't Mestreechs.

Egelze kraog op 15 jannewarie 1931 vaan d'n Hoege Raod vaan Adel e waope touwgekind, wat ziech zoe liet umsjrieve:

Verdeild nao umgekierde gaffelsnei: rechs (veur de beziener links) in goud (geel) 'ne liew vaan sabel (zwart), getongk en genageld vaan keel (roed); links (veur de beziener rechs) doorsnoje vaan lazuur (blauw) en goud mèt 'ne gesjaakden dweersbalk vaan keel en zèlver euver alles heer; oonder in zèlver gekruis 'ne pik en 'ne moker. 't Sjèld gedèk mèt 'ne gouwe kroen vaan drei blajer en twie perele.

De liew vaan sabel is 't waope vaan Gulik, in welk hertógdóm Egelze vreuger laog; 't lazuur en goud mèt de gesjaakde balk is 't waope vaan de ierste hiere vaan Egelze; hamer en moker zien 't symbool veur de mijnbouw.

't Bezeuke weëdBewirk

  • Auw kirksjke op inne terp oet de 17e ieë mit inne toeëre oét d'r 11de ieëw.
  • Nuj kirk gewiejd an Sint Jan
  • Hoes Henckens oét 1796
  • Hof Valkenburg oét 1797

RifferenseBewirk

Extern linkeBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Egelze&oldid=355533"