The Doors
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
The Doors is de naom vaan 'n popgróp oet de laote jaore zesteg en 't begin vaan de jaore zeventeg, tot dee zienen doed in 1971 oonder aonveuring vaan zenger Jim Morrison. Aander lede waore Robbie Krieger (gitaar), Ray Manzarek (toetse) en John Densmore (drums). De gróp is ein vaan de groondlègkers vaan de Psychedelica, 'ne vörm vaan kunszinnege popmuziek, en stoont bekind um 't gebruuk vaan d'n drug LSD.
The Doors oontstoont in 1964 es Morrison in Los Angeles Manzarek tegekaom en zie beslote mèt vrun vaan de lèste 'n band te stiechte. Ze neumde ziech The Doors, nao Aldous Huxley z'n beuk The Doors of Perception, welke titel wel e citaat waor, meh door dee es verwiezing nao LSD gebruuk woort. Nao in nachclubs te höbbe gespäöld bringe ze in 1967 hun debuutalbum oet. De single Light my Fire weurt 'nen groeten hit. De band krijg ouch väöl publiciteit door processe weges seksueel touwspeulinge en drugsgebroek.
Morrison, dee zeker nao boete touw de band zelf is, raak lankzaamaon gedeprimeerd door dees negatief publiciteit. Daodoor begint heer lankzaamaon ummer mie alcohol en drugs te gebruke. In juli 1971 störf heer in e hospitaol in Paries, boe heer ouch begraove ligk, in Père Lachaise. Nao zienen doed goon de drei euvergebleve lede nog door, meh stoppe daomèt vaanwege gebrek aon succes. Nao 1972 koume ze nog zoe noe en daan bijein.
Discografie
bewirk- The Doors (1967)
- Strange Days (1967)
- Waiting for the sun (1968)
- The soft parade (1969)
- Morrison Hotel/Hard Rock Café (1970)
- Absolutely live (1970)
- L.A. Women (1971)
- Other Voices (1971) *
- Full Circle (1972) *
*: zoonder Jim Morrison