Los Angeles

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Locatie vaan Los Angeles

Veendel vaan Los Angeles

Lochlijn vaan Los Angeles

Los Angeles (dèks aofgekort tot LA, spreek oet: El Ee) is 'n groete, oetgestrekde stad in Los Angeles County, Californië; de bijnaom vaan de stad is City of Angels (Stad vaan de Ingele).

Los Angeles is de groetste stad in Californië, en de op ein nao groetste stad in de VS, mèt 'n inwoeneraontal vaan 4.018.080 (2007). In de Los Angeles metropolitan area (Los Angeles en veer aander graofsjappe) woene mie es 16 miljoen lui mèt väöl versjèllende etnische en economische achtergronde.

In de buurt vaan Los Angeles, ouch in 't zelfde graofsjap, kin me Long Beach vinde. Dit vèlt neet oonder 't bestuur vaan LA.

LA kaom in 2013 op de nómmer tien te stande vaan de lies Lielekste Steij op Eerd, vaan UCityGuides.

Historie

De Los Angelse kös waor hoonderde jaore geleie bewoend door Indiane. De Europese historie vaan de metropolis begint pas in 1542. E sjeep arriveerde oonder leiing vaan Juan Rodríguez Cabrillo. Heer leet 't evels achter ziech, zoonder get demèt te doen. Op 2 augustus, 1769 bereikde Gaspar de Portolà wat allewijl LA is. In 1771 bouwde de Spaonse monnik Junípero Serra de Mission San Gabriel Arcangel bij de San Gabriel Vallei. In 1777 woort de nuie gouverneur vaan Californië, Felipe de Neve, geadviseerd door Antonia María de Bucareli y Ursúa, oonderkeuning vaan Spanje, um vaan 't gebeed wat door Juan Crespí besjreven waor, e dörp te make. 't Dörp woort officieel gestiech op 4 september 1781. 't Dörp kreeg de naom El Pueblo de Nuestra Señora la Reine de los Ángeles del Río de Porciúncula ('t Dörp vaan Slevrouwe de keuningin vaan de ingele aon de Porciúncula). Dit is nog ummertouw de officieel benaoming van Los Angeles, al weurt die zoegood es noest door de inwoeners gebruuk. De naom steit bekind es de langste naom vaan 'n plaots op de wereld. Es LA (de väöl gebruukde aofkorting vaan de stad) de officieel naom vaan Los Angeles waor, waor dat zjus ein vaan de plaotse mèt de korste naom op de wereld.

Hollywood

Hollywood is e distrik in Los Angeles. 't Is gestiech es 'n onafhaankeleke stad in 1857. 't Steit al mie es 'ne iew bekind es 't geziech vaan de Amerikaanse filmindustrie.

Distrikte

Neve Hollywood gief 't nog ach aander districte in LA:

• Downtown
• Eastside
• Harbor Area
• Hollywood
• Los Feliz
• San Fernando
• Westside
• Wilshire
• Zuid-Los Angeles

Gebore

• Kate Bosworth
• Sam Harris - autäör, filosoof, neuroweitesjapper
• Marilyn Monroe
• Gwyneth Paltrow
• Kesha Sebert

Gestorve

• D.W. Griffith
• Alfred Hitchcock