Dickinsonia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Dickinsonia is 'n iconisch fossiel oete Ediacarische biota. 't Leek roewewaeg op 'ne bilateraal symmetrische gerubdjen ovaal. Waatdet 't próntj is, is nag neet bekèndj; de meiste interpretaties gaon d'rvan oet det 't e deer is, dewiel anger zègke det 't 'ne sjummel is of e leed van 'n oetgestórve biologisch keuninkriek.

De organisme variëre van inkel millimaeters toet 1,4 maeter in lingdje en zeen ovaalechtig qua vorm. Ze bestaon oet 'n aantaal rubechtige segmente die vanoet 'n centraal gröb greuje; dees röbbe zeen mitein vervlóchten en vörmen 'n lichte symmetrie.

De segmente van Dickinsonia zeen besjreve gewaoren es "pneus", kamere gevöldj mit 'n vleujstof mit 'n baovegewuuen drök, juus wie 'ne gewatteerdje lóchmatras. Kènmirke bie e paar exemplare zeen geïnterpreteerdj gewaoren es bewies veur lingdjegewies speervezele en 'nen derm inne midde, meh dees interpretatie wuuertj nag neet algemein geaccepteerdj.

Döks wuuertj Dickinsonia ingedeildj bieje oetgestórve stam Proarticulata.