De Loj

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Lojs, es te dit dialek sjpriks.

---

De Loj (Nederlands Wellerlooi) is e dörp in 't zuie vaan de Nederlands-Limburgse gemeinte Baerge, aon de Maos en de rieksweeg (N271), tösse Wel en Árse. De kern had in 2009 1219 inwoeners en is daomèt de kleinste vaan de gemeinte (die Alt-Berge en Äöje neet es apaarte kerne rekent). Bij de kern De Loj huurt ouch 't Tuundörp, wat aon d'n aandere kant vaan de Maasdune kortbij de Duitse grens ligk.

De Loj waor vaan oersprunk e gehöch wat oonder de parochie vaan Wel veel. In 1894 kraog 't zien eige kèrk. De plaots kint gein neumesweedege middestand ('n frituur en e restaurant), meh wel 'n oontwikkeld vereinegingsleve. Bij 't dörp zien e kamphoes en 'n camping (aon de Maoskant), zoewie e park mèt verkaantiehuiskes (aon de bosrand). In de zomermaonde veurt e puntsje euver de Maos nao Blitterswik. Wellerlooi ligk aon drei kante (de noord-, oos- en zuidkant) ingeslote in 't Nationaal Park De Maasdune; 'n oonderdeil heivaan is De Hamert.

Externe link

• Informatiesite euver De Loj