Coronacrisis op 't Belsj
Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.
De Coronacrisis op 't Belsj is 't gevolg vanne oetbraak van 't coronavirus. Op 3 fibberwarie 2020 woort de ierste besjmetting gemeld bie 'ne Belsje evacué, dae d'n daag daoveur arriveerde mèt e vleegmesjien oet de Sjinese sjtad Wuhan. Aanvankelik besjlote de Belsje autoriteite veur gein aantal besjmettinge per gemeinte te registrere, maar per regio. 't Beleid versjilde daomèt mèt det van de ómringende lenj, woerónger mèt det van Nederlandj. Op 26 miert woort e kaertje gepubliceerd mèt 't aantal geregistreerde besjmettinge per 100.000 inwoeners. Dao-oet bleek det inne Henegouwse gemeinte Quévy en inne Limburgse gemeintes Alleke en Sintruin de hoegste concentraties besjmettinge waore te vinge.
In totaal gief 't óngevier 1,3 miljoen besjmettinge. In totaal zien zikker 25.000 luuj zien gesjtorve ane gevolge van 'n besjmetting mèt 't coronavirus.[1]
Maotregele bewirk
Op 't Belsj gief 't de federaal regeringe en de regeringe vanne geweste. Op federaal niveau woorte de volgende besjloete genome:
- 6 miert: gein sjoelreize mie nao Italië, doe 't epicentrum vanne virusoetbraak in Europa;
- 12 miert: evenemente weure aafgelas; kefees, restaurants en discotheke blieve toe;
- 17 miert: allein supermerte en apotheke mage aop blieve, anger winkels mótte toe; heimwèrke weurt sjterk aangeraoje;
- 20 miert: de Belsje regering sjlut de grenze veur 't grenstoerisme taege te gaon;
- 15 april: bewoeners van verzörgingsinsjtellinge mage weer bezeuk óntvange, maar allein ónger sjtrikte veurwaerde;
- 11 mei: winkels mage weer de deure äöpene;
- 18 mei: aafbouwplan weurt opgesjtart: contakberoepe mage weure oetgeoefend en musea äöpene de deure;
- 3 juni: ieredeenste weure hervat (max. 100 luuj);
- 8 juni: reize en toerisme binne de grenze is weer meugelik.
- 23 juli: op alle drökke plaatse is 't drage van móndjkepkes verplich;
- 29 juli: in Antwerpe sjtieg 't aantal besjmettinge hel, 'nen aovendklok weurt dao ingesjteld.
Regionaal en lokaal regeringe kènne aanvöllende maotregele neme. Zoe besjloot de Vlaamse regering op 13 miert veure beperke van bezeuk aan krankehoezer en psychiatrische inrichtinge.
Kritiek bewirk
Aan 't begin van d'n oetbraak goof 't 'n ernstig tekórt aan handjgel en besjermende kleiding wie móndjkepkes. De levering van besjermend matterjaal zouw al jaore chaotisch verloupe. Critici brènge dit in verbandj mèt 't oersjpronkelike advies vanne regering óm gein maskers te drage, ómdet det e "vals geveul van veiligheid" zouw gaeve. De rechs-conservatief partie N-VA haet de lock down euverdraeve geneump. Inne Brösselse veursjtad Anderlech broke op 10 en 11 april rèlle oet.
Ouch goof 't kritiek oppe zoegenaamde GAS-boetes. Det zien boetes die gemeintes kènne oplègke wienie luuj gemeintelike raegels, woerónger coronoregels, euvertraeje. De wettelikheid van dees boetes weurt betwis.
Situatie in Belsj Limburg bewirk
Inne pervincie gief 't in totaal óngevier 74.000 besjmettinge[1] en mie es 1.300 luuj zeen gesjtorve ane gevolge van 'n besjmetting mèt 't coronavirus.[2] In de aaj miengemeintes, wie Berringe of Heuze-Zolder, waore de aantalle get hoeger es in anger gemeintes.[3] De hoegste geregistreerde concentraties aan besjmettinge zien te vinde inne direkte ómgaeving van Sintrui.
Gallerie bewirk
Belsj bewirk
-
Euverzichskaertje vanne versjpreiding van 't virus op 't Belsj. De dónkergreun gemeintes zien 't hels getroffe. -
E leeg plei in 't centrum van Brössel -
Sociaal ónthajing in en róndjóm supermerte
.jpg)
Belsj Limburg bewirk
Tösse 20 miert en medio mei waore de meiste grenseuvergeng mèt 't Belsj toe. Óngersjtaonde foto's tuine inkel veurbeelde.
-
Vaer bie Berg aan de Maas zónger luuj -
-
Op de Kuttingerwaeg bie Ieëpe -
...bie Sippenaeken -
...bie De Plaank
.jpg)
.jpg)
Brónne bewirk
Dit artikel is gooddeils gebaseerd op 't corresponderend Nederlandstalig artikel, 't Nederlandstalig artikel euver de coronamaotregele op 't Belsj en de nuutsartikele op Wikinuujs.
Veur 'n euverzich van artikele euver 't coronavirus op 't Belsj en in Belsj Limburg, zuuch: 
Wikinuujs
Wiejer woort(e) dees brón(ne) gebroek:
- ↑ 1,0 1,1 Ciefers van 't Coronavirus Resource Center vanne John Hopkins-Universiteit
- ↑ 15 procent meer overlijdens in Limburg in 2020. Hoe hard werd uw gemeente getroffen?. Thomas Janssen - Het Belang van Limburg, 15 jannewarie 2021
- ↑ Zestien Limburgse gemeenten al een week coronavrij. Het Belang van Limburg, 18 augustus 2020