Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Britse soldaote in Tel Aviv handhave de aovendklok die dao in juli 1946 gelt. De maotregel is ingestèld nao 'ne bomaonslaag.

'n Aovendklok, sloottied of oetgaankssloot is 'n verordening die op bestumde ore vaan d'n daag gelt. In 't gemein geit 't um e memint vaan d'n daag boe-op lui binneshoes mote blieve. Soms weure de lui aander beperkinge opgelag, beveurbeeld de pliech um tösse zonsoondergaank en zonsopgaank 't leech oet te hawwe. Wee mèt de aovendklok boete is, kin daan 'n straof weure opgelag. Dèks gelle oetzunderinge veur beveurbeeld militaire en pelitie, medici en aander lui die veur hun werk boete mote zien.

De bekindste en algemeinste touwpassinge vaan de aovendklok zien in oorlogstied. Buut kin daobij zoewel de veilegheid vaan de börgers es 't tegegoon vaan subversief activiteite zien. Mèt de koms vaan lochbombardeminte en ummer zwoerder waopes in de groondoorlog is de noedzaak veur 'n aovendklok in d'n twintegsten iew sterk touwgenome.

'n Aovendklok kin ouch weure ingestèld in de kaamp tege misdaod of relle. Es 't örges oonrösteg is, kin 't stadsbestuur veur 'n stad of ein wiek 'n aovendklok instèlle. Zoe veurkump me beveurbeeld ouch tot lui vaan boete ziech bij eventueel relle kinne aonslete.

In de COVID-19-pandemie woorte in väöl len aovendklokke ingestèld, oonder mie in 't Belsj en Nederland. Doel heivaan waor veural um (illegaol) fieste tege te goon, zoonder massaol bij de lui thoes te surveillere.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Aovendklok&oldid=447221"