Calais
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
Calais (Picardisch: Calés, Nederlands: Kales, Dütsj (veraoderd): Kalen) is 'n sjtad i ge Noard-Franzuësisje departement Pas-de-Calais. De sjtad ligk óp g'ne sjei tussje de Noardzieë en 't Kanaal en ze hat 'n have mit veerverbindinge noa Ingelsje kusplaatsje aa g'ne uëverziej va g'n zieësjtroat, beivuurbild Dover. D'r aafsjtank mit Ingelank is hei 't kóts: zoeën 34 kilometer. In 't joar 1994 woeëd get westelig va dees sjtad d'r Eurotunnel opgeleëverd, deë 't meugelig maak per toog noa Ingelank te reize, ónger 't Kanaal durch. In 2014 wónde d'r 76.402 lüj.
Gesjichde
bewirkDe sjtad Calais is óntsjtónge i de middelieëwe es vussesjdörp van 't kót bei geleëge dörp Petresse. I de dertieënde ieëw woeëd ze versjterk tot 'n sjtad, vaweëge höar sjtrategische ligking.
De sjtad Calais maakde deel oet van 't Graafsjap Artesië, oeë e Vlaamsj dialek gekald woeëd. I de sjpieëder middelieëwe verdrong 't Franzuësisj ummermieë 't lokaal Vlamsj. Óch de Ingelse perbeerde in 1347, mit erfolg, de sjtrategische sjtad i te numme (zuug: Beleg va Calais (1347). In 't joar 1558 woeëd Calais heroverd durch de Franzuësisje tróppe. I d'r Tachtigjoarige Kreeg veroverde 't Sjpaanse leger ónger Albrecht van Oeësteriek de sjtad, oeë noa ze óngerdeel oetmaakde va de Sjpaanse Nederleng (zeuk: Beleg va Calais (1596)). Noa 't Verdrag va Vervins (1598) woeëd Calais trükgegeëve aa Frankriek.
Calais sjteet hüj bekank um de vluchtelingecrisis. De vlöchtelinge kómme oet versjeie deler va g'n welt (beivuurbild Afrika en 't Midde-Oeëste), i d'r hoap op e beëter leëve. In 2002 woeëd de illegaal nederzetting Jungle ópgerich, noadat 't ópvankcentrum va Zandgate, kótbei Calais, woeëd geslote. 't Kamp besjteet nog allezeleëve en vrie recentelig is 't ópnuits bekank gewoeëde in 't zjernaal en anger media, vaweënge de ernsjtige leëvesumsjtandighede. 't Vlöchtelingeperbleem hei is noe e Europees politiek perbleem gewoeëde. Versjeie Wes-Europese leng, wie Ingeland en Frankriek, uëverlegke miteenanger uëver 't perbleem.[1]
Zeuk óch
bewirkBrónne
bewirk
Dit attikel baseert zich óp 't corresponderend artikel óp de Nederlandse Wikipedia, en waal i dees versie.