Birgele

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Birgeler, es te dit dialek sjpriks.

---

Birgele (Duutsj: Birgelen) is e dörp inne Duutsje gemèndje Wasseberg, innen deilstaot Naordrien-Wèsfale. 't Ligk t'n naorde van Wasseberg, t'n oeaste van Effeld en Ophaove, t'n zuje van e bósgebied det 'nen oetluiper vörmp vanne Mienwaeg en t'n wèste van Entenpfuhl. Birgele haet zoeaget 3.554 inwoeaners.

Waterslot Elsum ligk in Birgele, juus t'n wèste van 't dörp.

Juus wèstelik van 't dörp ligk 't Waterslot Elsum, det door grachte wuuertj ómgaove. 'n Anger bezeenswaerdigheid is 't Birgeler Pötje (Birgelener Pützchen), 'n Maria-wèlvaartskepèl inne busj bie Birgele.

Door 't dörp struimp ouch de Birgelerbaek.

Birgele vörmdje vreuger zien eige gemèndje, worónger ouch Kraveld, Rosenthal, Uleboesj en Schaufenberg vele, meh woort op 1 jannewarie 1972 bie Wasseberg ingelief.