Bioinformatica
Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.
De bioinformatica is ein relatief nuuj richting in de weitensjap, die zich bezig hult mit 't toepasse van informatica technieke in de biologie, zoeës d'r naam eigelik al aangeuf. Bioinformatica besjteit es apart vakgebied noe zoeën klein twintig jaor, mer is waal hiel breid: 't löp van vuursjpelle van de sjtruktuur en funsie van eiwitte en DNA (dènk bevuurbeeld aan 't vuursjpelle van de kans datse kanker kins kriege, of waorum bie de eine miensj un genaeësmiddel baeëter wirkt dan bie iëmes angesj) tot "text mining" (de kompjoeter lieëre om nuuj kènnis oet de weitensjappelikke literatuur te haole).
Zoeës gezag is 't vak hieël breid: 't uëverlapt dan ouch neet allein mit informatica en biologie, mer ouch mit sjeikunde, wiskunde (mit name de sjtatistiek), en de medische weitensjap.